إجمالي مرات مشاهدة الصفحة

17 يناير، 2012

قريب الله محمد حسين شاعرسوداني


 نبذةعن الشاعر:
قريب الله محمد حسين احمد حمد
من مواليد مدينة بورتسودان عاش فيها
فترة الصباوتشرب منها سحر الجمال ثم ترعرع في مدينة دنقلا
تلك البقعة الملهمة له العديد من دواوين الشعر المجازة بواسطة لجنة المصنفات الادبية والعديد من الدواوين تحت الطبع


واليكم بعض من تلكم الدرر:

كشف لي اسرارو
كشف لي اسرارو   وصارح  بجنونو
كتر من اعزارو       كيف ارجع واخونو
خايف من اقدارو     شايل هم محونو
يعزف في اوتارو    يزيد همو وشجونو
خايف من مصيرو       ومن اقدار زمانو
ما يلقي البجيرو        و التاه من مكانو
فجاه صبح اسيرو      واه لو مره هانو
يا ريد لو  يستجيرو       قبل  ما يفوت اوانو
يا زول اوعاك تخاطر   واوعي من المصائب
دايما ليه مبادر       لزول جد هو غائب
لزول ماهو قادر      يفوت درب الحبائب
لا منظور لاناظر    دايما ليك هو صائب
لا يوم هوه قدر       لمقدار هواك
لا  لضميرو عمر      وحقق يوم مناك
بني بنيانو سور    فجاه رحل نساك
لا لهواك  جبر      الزول هو قصد ازاك
كم في الريده ضاعو     وكم فاتو الحدود
وكم للريده باعو      وكم خلفو الوعود
وكم في الريده صاعو    وكم لحقو الجدود
قليل للريده راعو          قليل صانو العهود


يا بنيه:


يا بنيه عليكي الله ما تلملمي في الاهله الافه حولك حله حله
وكل واحد فيه عله والعلاج الفيكي قله
و كل واحد خاتي لو يلقالو ذله`
يا بنيه خلاص سكونك ما السكون الواضحه كانت في عيونك
بعد ما كترت ديونك وعامله انو كتر ظنونك
في الاهله وكل واحد هو دونك وماهو عارف للبخونك
وكل واحد خاتي انو سبب جنونك
يا بنيه انا اصلي واحد من الخلق من البشر
وانا ماني من عباد عبيدو انا اصلي حر
لو الثمار اتبللت كبرت خلاص اتفرعت صارت شجر
والبحار الواسعه جات اتبخرت من تاني نزلت المطر
من تاني قام ملي للبوادي وكل وادي صبح بحر
وكل الاهله الحولك انت اجمعت صبحت قمر
واصبحت وحدي يا بني الليكي سر
كل الحنان الكان موزع في اهلتك الزمان
اصبح مصان ماهو المبعثر زي زمان في كل مكان
بس ماكتيره علي الهلال لامن يشيل كل الحنان
الكان مقسم من زمان علي كم هلال
مليان دلال كيف الهلال يرجع يكسرللغلال
الكان مكبل بيه من بت الحلال
يرجع هو لعقلو الصبح من الزوال
هديتي بنيان الهلال مبنيه كانت من رمال
علي كل حال لازم تعرفي انو ريدتك ما كتيره علي الهلال
بس بعد ما ظهر الهلال
وخلي اقمارو القبيل
الكانو زي نجوم الليل
مرصوصه حولو وليه ما لاقين بديل
اصبحتي لكل النجوم وحدك بديل
فقدو الدليل خليتي بيكي يكون زليل
فاقد الدليل
اصبح هو عايش في سراب
لساتو ما ظهر الغراب
لا شافك انت مع الكلاب
ممكون هو بانبل عزاب
مبسوط هوانو لقي الحباب
من غير ميعاد:
اول ما داس هوعلي الزناد
الصوره كانت زي رماد
مبهوته مادايرالها جاد
مرسومه مبهوته بحداد
واللون وحيد مليان سواد
من يومو اصبح في حداد
كترو الجراد اصبح معاهم في المزاد
اسعار مولعه والعباد
يوماتي ماشه هي في ازدياد
ما فيهم غيري انا اصلو جاد
ومن ما فضلت البعاد
ما عارف الحصل جوه البلاد
تاري المزاد من بدري دور في البلاد
والناس هي صبحت كاشفه لسعر المزاد
ناس بس تنقص في السعروناس بس تزيد
والناس تعاين في الجديد
قالو الجديد حيكون شديد
مسكينه تضحك في البليدلامن يزيد
مادالوفي حبل الصبر لامن يزيد
والزول مسيكين ديمه رافع في السعر
والناس هي كلهاواقفه في نفس السعر
تاري المزاد مبيوع هو يوماتي بسعر
مسكين يزيد لامن عتر
في نص رساله من الحبر
مرصوصه بالكلمات تقول نص من شعر
مكتوبه بخط البكرلعشره مزيوده بصفر
وانا اسمي مسحوب زي وتر
يا رب اموت وله انتحر
وانسي القليب الاتكسرلامن قبيل شاف القمر
شاف شافعه ماها من البشر
لامن سما ولامن بحر
لاورده هيه ولازهر
من بره ظاهره اكوام درر
جواها اكوام العشر
كيمان هي لمد البصر
جواها تمشي مسير شهر
كل خطوه محفوفه بخطر
والخير هو عندها كلو شر
تاريني مسكين ياالقدر
وانا اصلي مطعون في الضهر
ماداري للحاصل هناك جوه البلد
تبداها من حلة حمد
والشهره فيهم هي الرمد
لامن تصل بين الاهل
تلقاها لست الحسان
والماها سابت جور زمان
تتلقي بكيمان حنان
لكل زول لو حتي جان
مسكينه شايفه هي للزمان
بعين هو فاقد للحنان
معزوره ما لاقيه الامان
لا لاقيه زولاليها صان
او شاف هو للافعال ودان
والناس هي كلها من زمان
شايفه الحنان الفيها فاض ملي كل مكان
وكل عطشان صبح رويان
واظن في الحته اصبح مافي زول عطشان
لمتين ازايد في المزاد المافتر
لمتين ازيد انا في السعر
لمتين اكمل في دماي بدل الحبر
الرواكيب القبيل
الرواكيب القبيل مصنوعه بمرق الهبيل
منسوجه بخيط الدليب
جواها زير مليان هو بموية الغدير
ديوان مزخرف بحرير
نازل هو بخيط عنكبوت مليان هو في ركن البيوت
اشكال تخوف في العباد مرصوصه بفوق الجياد
لون دم هو نازل زي مداد
خلق الله ديمه هي في ازدياد
بس ماها لاقيه هي لمراد
نكتب نسعر في المزاد
يوماتي من فوق الرماد
ماشين وعايشين في حداد
فوق الهجير بين الرمال
خطوات هي ماشه علي الحبال
زي مستقيم بعد الزوال
والناس هي خايفه من البحر موية الزلال
يوماتي راحله علي التلال
والقمر اصبح هو ثابت في الهلال
خايف يفوتو خايف يصل حد الكمال
ما يلقي لزمنا يرجعو للهلال
والشمس صبحت تتاوق من بعيد بين الجبال
والزول هو مسكين ما هو لاقي طريق وصال
اتقطعت كل الحبال
اصبح وحيد يوماتي نازل في مسيد
والقلب اصبح هو اقوي من الحديد
بين الحياري و العبيد
ضيع هو لكل الجديد
والعمر اصبح مديد
لادار يفوت لاقادر هو لسكن البيوت
اصبح وحيد اصطادو خيط العنكبوت
اصبح ملاصق كل اركان البيوت
حتي البيوت صبحت هي خاليه من المرق
ما السوسه ما سابت مرق
والدنيا كملت الخلق
نص الخلق نصة نهار دار يتحرق
والنص هو في نص البحر راجي الغرق
وانا نصي بفوق للسما راجي البرق
والنص هو في نص البحر راجي الغرق
وكل الخلق مبسوطه لما وقع مرق
ما راجيه تعرف لسبب
محروقه خايفه من اللهب
غرقانه خايفه الاتخرب
ما يتعدل من المحيط
لامن تصل بحر العرب
والموج هواصبح زي جبال
نص البشر رافعين ونازلين في الصلاه
والنص هو منتظر البلاء
راجنو لو خم البشر
الصبحو في نص البحر
راجين نهايات القدراو لغفور لو بس غفر

غدر الزمن:
الدموع مليانه في جوه العيون
مسكينه صبحت ما بتشوف
غير الشقا المرسوم هو ما بين الحروف
اختارا من بين الرفوف
بين الخلق الواقفه كانت بالصفوف
الواقفه من بر البلد لامن تصل حد الجروف
ما بتتفرز بين الصفوف بس في الكتوف
اقصر هو من اول كتف
عزلوها من اول حرف
والقرعه قبال الصرف
قبل البدايه هو محترف
بحال صبح ما بتوصف
و الدمعه فيها بدت تجف
اتفاجات بدفره من فوق السقف
بدت البدايه من النهايه
ما بتقدرهي ترفع رايه
والوسيله ما بتبرر تاني هي غايه
يا ريد تبقي للجايين هي ايه تصبح براها كبش فداء
وتصبح هي للجايين وقايا
/ 4
لاتكذبي:
لا تكذبي لا تكذبي اصلو الكذب ما بمشي غير في زول غبي
لا تلعبي لاتلعبي لزول عزيز ما تعزبي
دايرك تكوسي لبر امان
اصلو الحصل كان من اهل او من جيران
مسموعلي واصلي انا ما نبي
لا تكذبي لاتكذبي
عزيزه بت ناسا عزاز حنينه بت ناسا حنان
ست الاسم اسمك مقسم في الاركان
اوعي تلاعبيلي الصبي
لا تكذبي لا تكذبي
كان في الشهادي او الصلاه او في الذكاة هو طريق جنان
والاسلام هو ما بيتاتى من غير نيه او ايمان
اسمك كبير لو بيه بس تتحجبي
لا تكذبي لاتكذبي
كل الناس بتخطي تصيب في كل ساعه كل مكان
اوعاكي بس من الكذب هي كارثه من جور الزمان
غلطت في ايه وما ذنبي
لا تكذبي لاتكذبي
فتشت ليكي انا في العزر انا يا عزيزه انا بعتزر
لو خانك انتي بس العمر ما منك انتي من السمر
وما غلطتك واصلو البدر ما بلقي راحتو هو في صباح او في ضهر
يا ريت اكون ما بين ضريح جواة قبر فتشت ليكي انا في العزر
لاقيتو في السن والعمر وانا يا عزيزه انا بعتزر
وانا ما رسول انا ما نبي
لا تكذبي لاتكذبي
بس ما كتيره علي الكبار لامن يكونو زي الصغار
من غير صدق من غير هظار من غير سبب عايزين دمار
ما العم هو خال والناس كتار والود هو من نفس الديار
لو بنفعو مني اعتزار في الخال هو ابدا ما خسار
بس ما تصدقي للكبار ولي اوعك تعتبي
لا تكذبي لاتكذبي
علي كل حال انا بعتزر علي خال عزيز ما بنتصر
لزول خلاص لزول عتر لزول هو لا خرف كبر
لزول هو ما دار يصطبر لزول هو يا ريت لو فتر
ياريت كمان ينسي الكتابات والحبر
ياريت تراسلي وتكتبي
لا تكذبي لاتكذبي
علي كل حال اصبح محال القالي تلني انا بت حلال
اصلو الحصل كان مني او من زول هو خال
او منك انتي او شله هيه من العيال
ما اظن يروق من تاني بال اصبحت مغلول بغلال
مسكين بناي كان من رمال بانيه في وسط التلال
اول رياح صبحت زوال ارجع اسوسق في الرمال
ما الماضي بحفر في الجبال ناهيك بنيان من رمال
وانا زنبي ايه من الحصل من القوال
غير اني مليان بزنوب مشروره ظاهره علي الحبال
ومن الزنوب لامن كمان درت الحلال
وما مسئول وما بنفع اربي عيال
علي كل حال اصبح محال
ارجع كمان من تاني ترجعي تلعبي
لاتكذبي لاتكذبي
جورالسنين:
سافرنا من زمن العجائب
لزكري مليانه بمصائب
لزكري مره من الحبائب
من السنين كم اتلدغنا من الدبائب
كل القلوب صبحت هي مليانه بشوائب
ما دار تتوب وماني اصلا تاني تائب
ماني تائب وماني خايف من قدر
ما الظلام الفيني ما بمحيه شمسا لا قمر
لا زكري حلوه ولا كمان قعدة قمر
ولا صدي القمري البقوقي علي الشجر
لا موجه هاديه ولا كمان موية بحر
لا الرمال ولاالجروف الواسعه لا كل الخضر
ما خلاص فتنا و بعدنا من البلد من الحنين
لحته ما معروفه وين محفوفه بجور السنين
وفضل براي في غربه بين اهلي وحزين
في حته صبحت زي سجن اصبحت فيها براي سجين
الجراحات غايره فيني وناقشه في طول السنين
ما خلاص الدنيا ضاقت وضقت بالجواي دفين
حتي الدروب اتقفلت ما زي زمان بتودي
لبر امان ولا الشراع ما زي زمان بيعدي
صبرت كتير و صبري كمل وفات حدي
خلاص يا دنيا رسلي لي علي ردي
وما تنسي الظلم قاسي ولي يا دنيا ما تهدي
رسلي لي بشارة خير اريت يا دنيا لي تهدي
رسلي لي بشارة خير ولي يا دنيا ما تصدي
6
العشم فى الله/
الروح تفتش للمروق بس كيف تفوت تنسله
والقليب مليان حروق واصلي ما فاقد العشم في الله
اصبحت تائه في الدروب يا ربي كيفن بس الاقي الحله
والزول هو ما زولي البروق حالف هو ما يندله
وقفت خلاص ساعة السنين حتي القمر وقف هلالو الهله
والعمر راجي الرويح بس كيف تفوت تنسله
والرويح دايره المقيل في جسد هزلان مذله
والعمر قارب نهايتو كان كتر هو كمان وقله
والزول هو يحسب في السنين والعمر فات منو وله
والسنين كملت عليه حليلو لو ماتاب وصلا
ما الزمن ماهو البيرحم لحبايبو وللاخله
والزول هو خايف من وجع يوماتي غرقان جوه عله
يا جاره:
شلعتي القليب يا جاره بهدلتيه بفد غاره
ليه يا انتي يا جباره بتبيعي الربح بخساره
وقلتي انا من زمان مختاره ليه اصبحتي بس محتاره
بيني وبينو والسياره والبيت العليه اناره
فينا بتشترووبتبيعو ضيعتونا بس يا ربي انتو تضيعو
خامين الرماد من اليوم ديك لليله لافاقدنك ولا فاقدين كمان للعيله
اتلومتي خليتي القليب يرتاح ما قصرناوما بنعرف كمان لسماح
اصلو السيل جرف لقلبي كلو اجتاح
سيلا جد شديد بالحيل ما خلي فيه براح
اصلب جمد ما بيخشي للرماح
اتبكم خلاص ما زي زمان نباح
وما هو البفرق بين الشراء وبين البيوع
نسي للعرس نسي للزفاف نسي للسبوع
حتي العيون جفت خلاص هي من الدموع
عطشان يفتش ديمه يروي من الضروع
حركة مين:
حركة مين تفتش ترضي كيف امريكا
وعارفه امريكا خاشه عشان تغير دين
و ايه يعني امم متحده مجلس امن وليه يعني كمان الصين
ما عارفه امريكا بتعمل لينا يومي كمين
وايه يعني كمان امريكا ما حالفه تخش هي ليهاسنين
هي ما قادره بجيشنا وله بسيفا طويل سنين
كان في قوة سلاح دوشكا وكلاش
خلاص ىاصبحنا جد هينين
كان طيران او غواصه
مانا اصلنا ناس غايصين
كلنا نحن وكل الناس
وكل الكون كمان عارفين
ما فيش البيصمد في وجيه امريكاغير الدين
وايه دبي عمي الدببه التشيل
من راسو حتي العين ما قادرين سيبو للكراسي عديل
اقعدو شوفولامريكا واسرائل
يمين كل الاراضي هي ترجع
معاها البوش اسير وزليل
ونملي الدنيا كلها ويل
نخلي دمانا تقطر للركب هي تسيل
وايه يعني يفوت الروح او ماهو عليل
نخلد نحن لتاريخنا
يدرسو فيه جيل وري حيل
نحكم نحن كل العالم
نفوت امريكا نصبح جوه اسرائيل
/9
السودان علي الاعداء:
السودان علي الاعداء ما فيش تحنان
قوه قويه زي بركان
تابت منوحتي الجان
شرارة شعبو زي نيران
تحرق كل اعدانا تصبح مقبره للامريكان
كيفن ينسو لهكس ولغردون في امدرمان
لامن شاف هناك الويل لامن شاف لهيب العين
براكين جاريه زي النيل
شاف الويل وشاف الموت قبل ماالموت يجيه عديل
يمين كان جاري هو قتيل
من الخوف جري الملهوف
لا دبابه لا خرطوش سلاحا اصلو ما معروف
او ما هو سيوف سلاحا مابعرف الخوف
من طيران او انتنوف
سلاحا كان هدي وايمان
سلاح قران يجمع ليه في السكان في امدرمان
يمين فد يوم كل القوم خلو النوم
ربطو بطون شالو الصوم
يمين قواد يعجبو الزول
لاطربوش او طاقيه لا موديل وعربيه
لا الشقه الهناك مبنيه
لاخدما ولا حرسا يحرسو الليل بمهيه
لا الوزارات الكتيره و الادارات الكتيره
ولا الشعب الهو ماسك السيره
وكل متعلم لازم يبقي هو وزير
ولو ضاقت يخلقو اداره يبقي مدير
ومين يبقالنا نحن غفير
واليوم اليلف ويدير
اشاره سريعه جوه البير
يستاهل يقع في البير
ويشرب تاني من الزير
ويرقد لالحاف لاسرير
يقوم الزول يبيت نيه
يقول علي اعدائ وعليه
لاوطنيه لاشعبيه
نطالب قوه امريكيه
تحميتا وتغير لمناهجنا
بدل زنجيه عربيه
لزنجيه غربيه
ويصبح القتل واجب لاقانون ولاديه
نعيش في غابه ابديه
ويتقسم السودان دويلات غير حضاريه
و خاليه من كل قطعه اثريه
كمان يتصدر البترول
ونستورد حشيش قندول
يصدرو خيرنا لبره
يوردو لينا نحن الشر
كيفن نرسي من دون بر
ونصبح نحن جوه دمار
لا بترول ولا اثمار
وانا المسكين زنبي شنو
شوفو الساسه كانو منو
الوزاره تطيروالاداره تطير
والرئاسه تطيرتقع في البير
لكن مابنرضي بناس بوش
يجونا ويملو لينا الحوش
يقسمولغرف تاني
يفتش في تحقيق اماني
يفكر فيه ليه سنين
قاصد الخير قاصد الدين
كيفن بس نمد الايد لامريكا لشارون
كيفن نرضي بامم متحده بقانون
تجيز لامريكا مد العون
مقابل انو تتقسم مياهنا العزبه لقسمين
دجله والفرات لبوش
وشالا عديل
وقالو النيل للصهيون لاسرائيل
وزي ما استولو علي النهرين
يستولو علي النيل زاتا في حولا
ويبقي شرابنا من البيبسي والكولا
ويسكنو في ضفاف النيل
ونطلع منو نحن عديل يمين والله بوش كذاب
يمين النيل تصبح مقبره لود بوش لاسرائيل
انشاالله تقوم:
انشاءالله القيامه تقوم
واكون مظلوم ولكل الصفوف معلوم
وخالي هدوم وزول مكلوم
اخيرا حانا زول دكتور
وزاد البوش موية فول
وسمع القول القايلنو من بدري
صبحت طلقه في صدري
فرق ياما للاحباب
وحالف للقدر الصاب
لازول بوري لازول كاب
يمين كضاب مسموم سمو زي الداب
لدغه تجيبلك الوتاب
دخل الحوش من غير باب
زمان يا فتحي ماك عارف انو السيل شديد جارف
يمكن تجرف الخرطوم
وتزرع فيها كل القوم
و ينبت الثمار محروم
نرجع ليك كل اللوم
تبقي وحيد من غير ايد
وغيرك كلهم في عيد
براك سويتا في نفسك
قايل الثوره بتعزك
صبحت ثورة الانقاز تفتش في عزاز الناس
حليل الكان زمان كواس
يكوس الناس صبح الليله هو البنكاس
لا استقبال ولاحراس
يمين يا زولنا ماك براك
كل الناس حيبقو معاك
حتي الشيخ والدكتور وزول الكاب
يمين كضاب لو جاك زول
وقال ليك انو مافيش باب
يمين كضاب
ولو جاك زول وقاليك انو مافي اعضاء ولانواب
يمين كضاب
ولو جاك زول وقاليك انو ما فيش زول وقدالزول زولك القديم الداب ماكضاب
وزي ماساقية الايام
دارت بيه وقع هو سريع
اترتح واترنح وابدا ما قدر هو يقيف
اصلها وقعت الملهوف
شديده وظاهره للمالوف
ياالكامبو /:
هوي يا الكامبو سيب اعمالك
وانسي خيالك
يمين فد يوم نطيربالك
وما تقدر تشوف لحالك
وشوف يا الكامبو لو مجنون
جنك انت لينا بهون
ومين العينك في الكون تحكم فيه ات تصون
وايه يعني كمان قانون
اجازت ليك تحاكم الكون
وشكلك انت قاري فنون
يمين ريسنا يا الكامبو لاخائن
ولاهو بخون
وما فيش غيرو في العالم هو لينا بصون
ويا الكامبو شكلك من ملاهي الليل
جاي وماك ماشي عديل
بتترنح زي الوحلان في مجري السيل
تفكر كيف تخش بالليل
تصبح انت في المقرن معاك ناس ديل
نهايتك انت ياالكامبو
غرقان في مياه النيل
معاك ودبوش واسرائيل
الكامبو الرزيل/:
الكامبو الرزيل اصبح خلاص يا دفعه
راكب راس عديل لساتو ما دار يوعي
قوماك لفكي يرميلنا فيه الودعه
ونسمع خيرتو فيه من الحصي اب سبعه
شاف الفكي للكامبو بين السبعه
مدسوس في الرمل حاشاه ما زول طلعه
الاطليعتو مليانه شر زي ضبعه
انتظرو الوليد لامن يصل للضيعه
لامن يصل للنيل يروي هو بفد جرعه
فد جرعه من النيل تبقالو سم النقعه
تحرم عليه الجرعه وتحرم عليك اللبعه
وشكلك يا الفكي زي الملاحق التسعه
الكامبو الرزيل نمشيلو جوه الضيعه
نخطف برانا الضبعه
نرجعبو نحن بسرعه
نسقيه من الترعه
تحرم عليه النيل او منو بس فد جرعه
نخطف برانا الضبعه
وامريكا تزرف دمعه
والدمعه تصبح لبعه
ليك يا الفكي اب سبعه
لو يوم بعد ريسنا مين تاني لينا هو برعي
لو يوم بعد مشيرنامن تاني ليه مصيرنا
لو يوم بعد عمرنا من تاني ليه امرنا
لو يوم بعد مشيرنامن تاني ليه مصيرنا
/ زمن الجروف/:
الحزن في دمي جاري والدمع في العين بداري
دايره تمرق ماها قادري واصلو ما معروف مساري
والدروب المني تاهت والخطاوي ابت تجاري
ياحليل ايامنا ديك ويا حليل ضل العصارى
ويا حليل اشجارنا لما رتلت فيها القماري
والجروف لامن تخضر للعيون ديمه بتحير
والمياه لامن هي تنزل من الجروف نحن بنسير
والشرك الليله قابض كل ما امسك هي بتطير
والبيوت دايره اللياسه امشي اقعد وهي بتجير
امشي طول اليوم اصنقر قعده وحدي اومابغير
والمراكب ديمه هاجه مره غاربه ومره شارقه
ماشه مليانه بتسوسق ومره جايه وهيه فارغه
يزعل الريس يكورك يحلف اصلها ماها مارقه
والنظر ممدود يتاوق مره يسرق اومره سارقه
اصلها مابترحم صغير اصلها من تبت هي حارقه
مره تنزل من علاها وننزل الاثنين برانا
ومره انهل من هناها ومافى غيرنافى سمانا
مره ماشه الليل براها رافضه تمشي الليل معانا
مره ترجع لهداها ترجع تفتش لمكانا
اصلنا ما بنقدر بلاها وهيه ما بتقدر بلانا
محال ترجع:
علي بجملة الايام وبشهرا عزيزاوسنين
فتناهم اوما فقدناهم ولا عاودنا اصلو حنين
خلاص فتناه لدربا سلكنا دروب ملانا انين
والقلب الهو كان هاوي مابتعدا كالهاوين
والزول الهو كان مسجون اصبح تاني ماهو سجين
خلاص فتناه درب الريد هو دربا ما بزورو حزين
خلاص سبناك يا قاسي صبحنا كمان من القاسين
اصبح مسكنك مشغول وجواك نحن ما ساكنين
ارحل بس براك وحيد بعادك ليه ما حادين
اريد ترحل تفوتنا عديل تبعد بس تفوت العين
تكون مبسوط او ما داري محال تصبح مع الراجعين
ساعة ديك بطمبر ليك وبصدح بالعديل والزين
يا ريد بس اعيش واقع يحسبوك فيه مفقودين
والزول الشغل بالك يكون من اول الفاقدين
نمشي نعزي فيك ليه نكون من اول العازين
ونرجع تاني من اول نعيد بجني الوزين
دق الجرس:
فجا الجرس دق وخلاص ما الخطر ناقوسو جا
ما للحصص ما للبيوت الدق ما كانت كده
الدقه كانت للرحيل الاتكتب اليوم علينا
الدقه كانت لفراق لفراق من غير سكينا
ناس فرحانه راحله خلاص
وناس زعلانه كيف بتعيش هي من غير ناس
اوناس مبسوطه تفكر في بواقي الناس
وهي قاعده بعيد تفكر في بعاد الناس
يارب هم ماشين وين
حيمشو بعيد يارب تاني ما جايين
وله حياجو بعد الحين
وكم يا ربي هو الحين شهر واحد هو وله اتنين
هي قاعده هناك تفكر
والدموع النازله منها ديمه تمطر
تفكر مره في الماضي ومره في الحاضر تفكر
تفكر ديمه ما قادره تحضر
تعمل ايه تسوي شنو
تلم ياربي تاني منو
وانا الحيران افكر في فراق اليوم اوتاني ما بقدرانوم
مفارق القوم كيفن تانى اقدرالوم
يمين اصبحت جد مكلوم
وخالي هدوم
فضلت خلاص براي مهموم
وكل الهم علي مردوم
بنستاهل اوتستاهل كمان كلتوم
ماشي وراها طول اليوم
اساهر الليل او مافيش نوم
كمان اصبحت جد مزموم
ولكل الفريق معلوم
قاعد جنبها ومحروم
خلاص يا انت يا كلتوم
ما بصبر واكون مكتوم
نمشي نكلم الحاجه قبل ما الحاجه تمشي بعيد زي المرحوم
تقول اصبر هي منتظره القيامه تقوم
انشاءالله القيامه تقوم
واقول مظلوم وارمي عليها كل اللوم
ينزل فيها زي سيفا سنين مسموم
قاعده بعيد بتبكي شنو
شوفي الخاطي فينا منو
من جنبك خلاص مارقين
فتشي غيري شوفي امين
يبعد عنك اي لعين
يكون مسكين او مازي ويكون مسكين
ناسي الغرام:
انا ماني زول نساي لماضي الغرام والريد
كيفن اعيش في هناي انسي الغرام والريد
اصلو الحبيب عايش من دمى مالى وريد
تائه وحيد دايش باحلي ايام عيد
فات منو وله صبر ما دار يفوق من ريد
عايش هو في دنيا مابترحم اصلو هي صيد
سهران وحيد يحلم في ليل طويل اومديد
احساسو ما اتكتم لاساب هواهو لصيد
والروح تفارق كيف كيف بس تخت الايد
تمسك رويح زولا اب روح طويل اومديد
اصبح زويلو فكي من حولو الف مريد
والداره لافه الليل يوماتي لافه تزيد
اصبح عناد من زول اصبح عزيز وعنيد
كيفن اقاوم القيد يا ربي تمو الريد
محبوبي /:
محبوبي ليك سلام مقرونه بالام
قلبي البيك دام يا اب قدرا عالي سام
وانا ما نسيت ايامي انا ما نسيت احلامي
ما بتجف اقلامي في سكوتي تلقي كلامي
يا العالي قدرك انت ليه بس ليه هنت
لو ليك ما ازنت صدقني ما كنت بنت
انت سبب جروحي وانت عزاب لروحي
يا روحي ما تلوحي ما تروحي وتسوحي
والمقسوم مسطر في ايامنا تظهر
والقدر المقدر انهل منو واسكر
اعيش انا باقي عمري هادي انا ليه امري
اعيش لو ضو قمري واموت لو جاني قدري
والايام الظالمه والليالي الحامه
بظبية المسالمه انا هايم وهيه هايمه
/18
يا سحابه:
رشي صبي يا سحابه الديار صبحت خرابا
رشي صبي علي الغلابه صحي لنغم الربابه
طولتي غيبتك ياسحابه و ماكي راجعه للغلابه
وينا غيمتك وين مزابه ماها زايبه هي في صحابه
انتظرنا متين تجينا تنزلي الخير والسكينا
تنزلي الخير بس علينا تغمري بحنك حنينا
وتبدا تتخضر بلدنا ويبدا يتخضر املنا
قبل ما ينفد صبرنا وقبل ما يكمل عمرنا
العيون صبحت تعاين من بعيد جوه المداين
في مطر بالي الجناين والقلوب صبحت كمائن
ربي بس يغفر يسامح لقلوب زي المسارح
يغفر هو لكل الجوارح لزويل اصبح هو جارح
لزويل فات لجروفنا عد فات لكل بحورنا
ماهو ساب لكل حروفنا شال معاها كمان قلوبنا
بقينا محتارين برانا ماالقدر شال المعانا
فجاه شال روحنا وهوانا واصلو ما راعي الامانا
والرويح تنسي وتغامر في جروف ما ليها اخر
في جروف من غير ازاهر دار تروح لروح تسافر
احترت فيك:
وانا لسع سابح في بحر
والظاهر انو احد بحورك
وانا لسع مسجون في سجن
والظاهر انو احد سجونك
اصبحت رويان من دمع
مزروف هو من اعماق عيونك
وانا لسع ساكن في قلب
ممدود يتاوق في سكونك
وانا برضي ساكن بين وجن
ممدود ومغموض انا بين جفونك
واصبحت محتار انا من خدودك
من الشراب الفي عيونك
احترت فيك في اسباب غرورك
واحترت في اسباب ظنونك
/20
سم القمر:
غيرني الحصل منك وزاد لي في اساي
والليل خلاص اظلم علي حدد صباحاتو بمساي
والقمر عد ورحل خلاني لانجم سماي
احسب وارجع في الحساب من تاني احسب في هواي
القي الهوي المرسوم هوفي كل النجوم
ما هو البدوم اصبح كتوم احسب براي كل النجوم
ارجع والوم ارجع والوم في قمره ضوت للخلوق ماشه وتحوم
في قمره بعثرت الحنان لافه بتوزع في سموم
اجرع براي بين البشر من سم موزع من قمر
اشرب وانهل من سماي من السراب الكان مموج زي بحر
تاريني كت بتنسمك تاريك من زهر العشر
وكتين احاسب في الرموش وانا ظني بحسب في درر
21
يا بلدنا:
يابلد يا بلدنا مانا راحلين و ما رحلنا
الا من هجرانك انت نحن ماشين لو بنوصل لاملنا
كل ما حاولنا نبعد منك انت ما قدرنا
بقينا في نص الليالي لسه ماشين ما وصلنا
ما مسافرين وما بعدنا نحن قاعدين واتفرقنا
ما العامر قارب نهايتو و السنين فاتت زمنا
يالله سيبنا برانا سافر يالله ارحل يا عمرنا
ما السنين كملت علينا جات تقصر لاجلنا
والعمر مكتوب محدد كان بعدنا او كان هربنا
ما خساره علي البلد شيبنا وشبابنا كمان هرمنا
لاالزمن ولا السنين المره بتعجل سفرنا
نحن ما بنسيب اصلنا ونحن راضين بقدرنا
/22
ناس في دنيا:
الدنيا ما دنية قبيل والبحر مابزيدو سيل
والناس خلاص بارو القرش مابرضو بالشي القليل
والزول خلاص ساب البلد الزول هو ماياهو الزول
نلس زاحفه في جوه الوحل ناس ماشه في دربا عديل
ناس كل شرابا من العسل ناس ماها لاقيه شراب سبيل
ناس نايمه في ضل الضحي ناس ساهره في الليل الطويل
ناس نايمه في عز الضهر ناس حايمه ما عارفه المقيل
ناس طالعه دابا مع العصير في جو ربيع في جو عليل
اصلها حال الدنيا يوم حاضن القرش في نهار و ليل
يوم هيه تقسي عليك تجور لا تلقي هادي ولادليل
لاتلقي والي ولاسند تمرق براك زي الهبيل
لازم بتعرف يوم براك انو القرش فتان دخيل
بيفتن الناس في بعض لايلقو صاحبا لاخليل
حليلك ايامك قبيل اصبحت وحدك جد زليل
حليلو ايام القرش خلاك تفكر في الرحيل
خلاك في جمر الفلس ليه ما ادخرت لو القليل
اصبحت في بحر الفلس سابح تقول سابح في نيل
انساهو للظل الظليل يا ريد تلاقي لو ضل نخيل
ما الدنيا اصلها ملانا لوم يوم بس عليك يومين علي عبد الجليل
اصبر علي جمر الفلس اصبر براك صبرا جميل
ما الدنيا ما دنية قبيل
/23
حليل دنيتنا:
حليل دنيتنا ما صبحت خلاص هي خرابا
القمر ما زي زمان هو بضوي ولا التراب هو ترابا
حتي القماري منها هجت صبحت راحلا باسرابا
والغصون ما زي زمان بتمايلن نشفن بقن ورتابا
والورود زبلن خلاص بدل الفراش صيحت هي مسكن دابا
حليل سنط الجروف ونخيلا ويا حليل اعنابا
وين اب سبحه وينا الخلوه وين تكابه
وينها الحاجه مريم وين لالوبا وين اصحابا
ما عارفين بنسال مين هناك في غابا
نادت وحده من جوه التقول هيه القدر سابا
لو ما هيه ابدا ما لقينا اجابا
بدت تطرطش جوه البيت لامن جات وفتحت بابا
انتي منو قالت لي انا الليك الزمن سابا
نسيت ست البنات الليك العمر عابا
حفيت من بدري انت عليها لامن كانت شافعه هي دابا
وين مريم وين امك ردت قالت شوف لالوبا شوف الغابه
مريم امي شالا الجابا
حليلك انت حليل مريم حليل اصحابا
فضل خش وانسي الكان
فضل خش شوف راكوبة الضيفان
واقفه براها لاعامود ولا سيقان
واقفه براها صبحت هيه مسكن جان
حليل مريم حليل الغابه ويا حليلو زمان
/24
اشباح ظلام/:
وانا حالي اصبح حال غريق يكوس في قشه يمرق بيها من الضيق
وانا حالي اصبح حال حريق فاقد الوعي لساتو بيكوس في الطريق
ازهار هموم اتفتحت ملت الطرق اسللت اشباح ظلام
صبحت تراود في المنام
وانا دابي صاحي من المنام
نعسان وخايف تاني انوم
تظهر هي من تاني وتحوم
معروفه بتفتش لحوم
مسعوره ما بتخشي البلوم
اشباح ظلام تظهر وتختفي زي سراب
اتواري ما بين التراب
خيران ملانا هي بغراب
حظي التعيس دلاني لاتعس غراب
حاضن الاسي بجناح مولع بعزاب
مسكين هو من قبل المصاب
راجي الزويل بس ينجي من شبح الضباب
يسقي الزويل من الصبر علقم هو مخلوط بشراب
حظي السعيد اصبح بعيد مل العبيد الليله غاب
وفضل براي في ليلي من دون العباد
في ليل سجم غرقان هو في لون السواد
والناس هي جاريه زي الجياد
وانا وحدي زاحف في رماد
كيمان من النيران مولعه من زناد
سابح براي انا في بحر اصبح جماد
و العام و فات من العباد
ما اظن يعيش فد يوم حداد
نوبية البيداء:
يا انت يا عذراء يا نوبية البيداء
يا حورية البحر المعربد فى دمى
يا انت يا زيتونة كبرت ترعرعت
من سقاكى فأسألى
انى انا الساقى الذى أرواكى
فأظمأتى عروقه والفم
منى قد أعيل الصبر من التخوف
من الوجوب امامك
نادا عليك القلب بكل صوت
فتجلجلت اصواته نبض
فأحزرىفقد سقاكى من دمه
فكل الخطاوى التى قد قادت العشاق قبلك
للوجوب امامك
فقفى وانظرى للوراء وارجعى تاريخهم
وانظرى ماذا بهم فعل الكبر
فتواضى ان التواضع فى سبيل الحب
من قيم البشر
اني رأيت فؤادك المرسوم فى عينا ك
والتى هى عندى من اغلى الدرر
بغير ماتودين للناس رؤيته
يا انت يا عزراء يا نوبية البيداء
يا حورية البحر المعربد فى دمي
/26
ما تلقي المراد /:
انشاءالله ما تلقي المراد
وما تلقي احبه من العباد
وانشاءالله ما تضوقي الحلو
يصبح سنينك في حداد
وانشاءالله من دنياي تسافري
وما تلقي في سفرك ده زاد
من قمت تبيتي موشحه بالعناد
يا انت بس يا ريت تسافري من البلاد
مرت سنين بتقولي لي بس اصطبر
بكتب رسايلي انا بدماي بدل الحبر
احسبي عد كم ضيعت من عمري الكبر
احسبي عد لكل الخطاوي كان بكيلو او بمتر
احسبي عد للكلمات كان بنص هي وله شعر
فتشي في كلامي معاكي لو بس يوم هو فيكي عتر
احسبي في سنين زولا وراكي فتر
سنينو الضاعت احسبي ليه بس تسعه وزيدي صفر
  /27
دمع الريده /:
الدموع المني فاضت من حزن فاض بالمدينه
الا دمع الريده طفحت ظاهره زي نور الرتينه
ورونا بس كيفن جنينا وليه الحزن يملي المدينه
يا ريتنا لو ما اشتهينا وعشنا قصتنا الحزينه
العمر السابنا روح لحبيب لقليبنا جرح
الظلام لو هو صبح والورد من تاني فتح
الخطاوي الخابه صح صح للجرح الديمه ينتح
الفؤاد سيبوه يمرح مره يمشي ومره يسبح
كنا نخشي زمان قدرنا كل لحظه من عمرنا
ومهما زدنا في سهرنا القدر جانا وجبرنا
زاد حزنا وشال فرحنا شال سرورنا وشال مرحنا
والقدر لو ساب عمرنا يبقي حيزيدفي املنا
/28
يوم ما رحلت /:
ناس بتمشي دروب طويله وناس قبل ما تبداء توصل
وناس بترحل كل ليله وناس ترحل وما بترحل
ديمه خايضين في المآسي وديمه خايفين للمراسي
ناس مساهره الليل بعرضو قايمه تدي المولي فرضو
وناس مساهره في الملاهي للمظاهر والتباهي
اصلها هيه الدنيا عنبر ناس هي نايمه وناس بتسهر
ونحن اصلنا ناس غلابه يالله رشي يا سحابه
قبل نرحل نمشي غادي كبي رشي علي البوادي
رشي بللي لجروفنا كبي اروي لعروقنا
الزمن قفل طريقنا يوم ما رحلت من فريقنا
/29
ماني نادم/:
ياما حكيت لها الامي وكم حكت هي الاما
شافعه هي صبحت احلامي وفجأه اصبحت احلاما
عايز اقضي ايامي واتم نص ديني واسلاما
واشفي لقلب دامي وزاد كم في النزف ياما
فجأه الحلوه قدرت بي وهدمت للبنيتو علي
اتاري الزارعو كان في صي اجهض لجنينو الحي
سابتلي مسكين للحروف للام هومشتول في جروف
لميم هو زايد فيني خوف ليا هو اعلي من الكتوف
سابتلي لمياء للالف زي عود هو شايل لسقف
و الدمعه قبال ما تجف الشافعه بدو بيها الغرف
سابتني وحدي مع الجنون في ليل وحيد من غير مجون
حتي الدموع جوه العيون كملت وقاربت المنون
سابتني غرقان في المحون بحر الهوي المليان ظنون
وانا ماني نادم في البخون زول للامانه هو ما بصون
/30
زمن الضياع /:
سافرنا من زمن الضياع لسكة الماضي القبيل وله ارتحل
لسكه ما معروفه وين وفضلت واقف منتظر سكة وداع
سكة محال سكة وصول من غير شراع
احترت من زمنا صعب زمن الضياع
زمنا موشح بالغمام من غير مطر
زمن السجم زمن الرماد اظلم علي من غير قمر
زمنا يحير للحياري يغير كل يوم في سكتو
تنجبر تسلك سبل ما بتعرف ليها مرسي
وكل ما تعرف تودروفضلت واقف منتظر
لسكة الريد القبيل فات و اندحر
اتلاشت الاشواق بفوق السحاب
بين السراب مطر الهباب
بين القبور جوه القباب
اصبحت راهب منتظر شرع السما
اصبحت واهب للظلم المن زمان لي اتوهب
من قبل ما اعرف سبب
كان الظلم المن زمان لي اتوهب
اتحجر القلب الصعب
مل التعب
وجفت دموع العين عبر آهات السنين
وغلب البين والواحد صبح اتنين
/31
محبوبي البريدو:
محبوبي البريدو سافر ما هو قدر
من يومو الهو سافر فات لقدرو سطر
من يومو الهو عد من يومو الهو ابحر
ما قدر ايامنا ابدا ما هو قدر
من يوم شال قلوبنا من يوم لينا حير
كيف حدد مصيرو وقدر لقلبو صبر
كيف ارجعلو تاني ونعيد تاني الاماني
سافر يا حليلو برحيلو اضناني
الزول البريدو برحيلو اضناني
الزول البريدو جدد لي احزاني
زكراهو الجميله فاتت بالمعاني
سافر يا حليلو ما عارفين مقيلو
محبوبنا البنريدو فاقد لدليلو
محبوبنا البنريدو صباحنا صبح في ليلو
قسي وزاد قسانا فات جاب لبديلو
ياما قسينا نحن من يومو الهو فاتنا
من يوم فات ارضنا من يوم فات سمانا
لاودع او سافر لا صان للامانا
محبوبنا البنريدو اصبح ما معانا
لاساب كلمه حلوه لا ساب لي دلالي
احسب في نجومو في طول الليالي
وابحث في بحورو لو القي اللا لئ
يا حليل البريدو وايامنا الخوالي
ا /32
راجيها:
راجيها ليه سنين صابر انا المسكين
راجي الزمن يحكم واقدارنا لينا تلين
راجي الزمن يحكم وانا راجى للمادلين
راجي المراد ينتم ينتم نص الدين
لا بدلتنا ايام انا وانت والاحلام
توجنا نحن الريد الا القدر حكام
وبنينا بنيانا و علينا في الاسوار
ضيعنا كل الريد في ساحل الاقدار
روقنا نحن البال وبنينا نحن رمال
زابت هي جوه بحار واتلاشت الامال
اصلو العمر محدود والريده مالا حدود
نكتب ومافي ردود ماالريد نهايتو صدود
يومو الفقد هو دليل اصبح براهو زليل
يحسب نجوم الليل وحيد ما لاقي بديل
اصبح وحيد ايامو يجرع هو من الامو
اصلوا البحر معروف غدار بشيل عوامو
الدنيا لمتنا والدنيا فرقتنا
بالريده غرتنا وبالريده غدرتنا
صببنا دمع الريد في ليل طويل ومديد
اصبح هو فيه وحيد ما لا قي ليه نديد
/33
ياخي ارحل:
ياخي ارحل فوتنا تاني ما الحزن شال الاماني
ما الفرح اصبح هو فاني ماهو فضل غير ثواني
ما الرحيل اصبح هو عادي والحزن زاد في فؤادي
قل صبري وشال مرادي ياخي ارحل للبوادي
ما الفراق مكتوب مسطر والقدر ياهو المخير
نمشي في اكفاف قدرنا ومانا عارفين للمقدر
والعيون صبحت تعاين من بعيد جوه المداين
في خضار غاطي الجناين وفي عيوني هو ما هو هاين
ياخي سافر يلله ودع للزمن اوعك تضيع
لاني صايعه وماك صيع لا الحنان الفيك بشبع
ياخي ارحل يا حبيبنا امشي ودع يالله سيبنا
ما الزمن حدد نصيبنا كان ابينا او كان رضينا
انتهي /34
في دنيا التمني:
ياحبي من غيرك ما كان ليه غايه
في دنيا التمني مين هو بزيد هنايا
اسبح في بحورك وفي انجم سمايا
احسب في رموشك في لحظات هوايا
اسمع كلمه حلوه واسرح في هواك
انسي الدنيا بيك واغرق في سماك
لحظاتنا الجميله لما يزيد هناك
دنيتنا الجميله في ازهار رباك
فجاه تفوت تسيبنا وتزيد في ازانا
ترحل من ديارنا وتفوت لسوانا
لا راعيت مشاعر لاصنت الامانا
يا حليل البنريدو اصبح ما معانا
كلماتو الجميله والكانت اغاني
ضاعت يا حليلها وضيعت المعاني
ضيع لحروفا ضيع للاماني
ما قدر هو فينا للحب والتفاني
سافر يا حليلو فات اهلو ومقيلو
من غير ما يودع سمارو ونخيلو
اصبح ما هو داري انو فقد دليلو
من غير ما يودع سافر يا حليلو
/35
خايف عليه:
خايف عليك من الحصل من العناد من الزعل
الفيه ما كان ليك ايد برضك تكوس عن الحلل
طيبان او ما ناسي الحبيب الاصلو ما هو محتمل
خايف عليه من الدموع خايف عليه من العلل
خايف عليه من الزمان تتمني لو يصبح مصان
تتمني لو ينسي العزاب يرجع هو بنفس الحنان
ويسيب عناد من غير سبب يرجع هو زي ما كان زمان
قبال يضيع منو الزمن قبال يفوت منو الاوان
يرجع يلاقي الزول هو فات قبال يحدد لميعاد
لا قدر الزل و الهوان من غير سبب زعل و عناد
لا قدر ايام زول حنين جاب القدر غصب المراد
ومهما ما كان لينا ايد بنعيش معاهو في حداد
خلانا عايشين في ضياع لامن هو فات من غير وداع
حتي الرياح ما جات تهب وقفت خلاص كل الشراع
في القليب وقف النبض ما زي قبيل نبضو بسراع
اصبح هو ابعد من زحل ما بتحسب بعدو بزراع
/36
خايف عليك:
خايف عليك من سكتك السالكو ما بين السكك
خايف عليك من طول طريق واول حبيب ما يقدرك
خايف عليك من سكتك خايف عليك من الغرام
خايف عليك هي توصلك لنهايه مليانه بملام
خايف عليك من الشقا خايف عليك من العزاب
خايف عليك من الزمن تلقاهو يوم ضاع زي سراب
لا تلقي فيه قمر مساك لا تلقي فيه من الصحاب
والدموع السايله تدفر تبدا شقيق بالعتاب
سيب العزاب سيب الشقا
سيب العتاب سيب الاسي
سيب العناد سيب الجفاء
سيب الغرام يا زول كفاك مداعبا
/37
بالله يا ايام:
بالله يا ايام ما تزيدي في الالام
كفاك عزاب لزول ما لاقي ليه مقام
من روح تفوت من زول ترجعلو في ايام
يرجاها حول وري حول لو بس تجيبلو سلام
ينسي الكلام والقول يا ريد تعيد لو كلام
يتمني منو رسول في يقظة الاحلام
من زول هو فاتنا وغاب من زول هو زادنا عزاب
من زول نسي الاحباب قبال يجيبلو اسباب
ما راعي فينا زمان العطفو فينا مصان
عيشنا في احزان يا ريتو لو ما بان
الزول هو وله و فات خلانا للاهات
كتر عشم بايتات ما خلا فينا لزات
بالله يا مرسال احكيلنا عن الحال
الرجعه ليه محال و احسن تريحو البال
/38
صياده:
ماديلا ايدي اسالما ماالشافعه ماده هي اسهما
ماديلا في حبل الصبر مادالي مادلين في العمي
فاتت وما داريه العلي فاتت وراجيه اكلما
ما سابت اصلو طريق وصال لو بس اطالع انجما
سابت هي نصي انا في الارض والنص يتاوق في السما
ما الشافعه ما شافعة نصاح قادر هو الله الالهما
كل الجمال الفي الخلق كل الحنان فرهد هو في يومو ونما
اصبحت سلبح في بحر بحر الهوي الما محتمي
اطرافو نيران العزاب مغروسه في النص اسهما
راميالي خيطين من عزاب صياده ماهره معلمه
تجبد براها هي بالخيوط اتقطع المن بدري فيني هو اترمي
نستني كل الكان قبيل صبحت خلاص متبلما
لا قادره هيه علي قليب اصبح هو ماسح مرسما
ساب الشويفعه المن زمان لو بس هي تنسي البرلمه
تجبر هي فيني الاتقسم اعيش هواها اتنسما
مسكينه تايها هي من قبيل بس كيف ارسي والملما
كيفن ادرس لقليب في شافعه ظاهره معلمه
اصلو النصيب بدري اتقسم والشافعه زاتا مقسما
عايز اجبر للجراح كل ما تعزب اقاوما
واشفي الجراح المن سنين واهديها درسي واعلما
/39
ما ترحلي:
ما ترحلي قبل الوعود ما ترحلي واوعي الصدود
ما ترحلي وتسيبي زولك اصلو زولك زول ودود
ماترحلي علشان هواك الاتقسم منو هواي
ما ترحلي علشان مناك هو زات مناي
ما ترحلي اصلو الرحيل منك كتير
ما ترحلي لانو الحبيب خالاهو في عز الهجير
ما ترحلي وتخلي زول من غير ضمير
ما ترحلي وتخلي زول ما بيقوي علي زات المسير
لو ترحلي سيبيلو بس باقات ورود
لو ترحلي بتخلي زول بالحيل ودود
لو ترحلي بس اطبعي للزول خدود
ما بتقدري اصلو الطلب بالحيل تقيل
مابتقدري تنفدي للصبر الجميل
ما بتقدري اصلو الطلب لو ما عديل
لو تقدري بس ودعي من غير دموع
لو تقدري بس سافري من غير رجوع
لو تقدري بس اشبعي من غير ضروع
ما ترحلي يا زات مناي
ما ترحلي وتسيبي هواي
ما ترحلي لو ترحلي ما بتقدري
لو تقدري علي المي و هواي
ما ترحلي
/40
سبل الغرام:
سبل الغرام والريد ماشين عليه ندم
ماشين عليه سنين طول نحن مابنحلم
والاتكتب في اللوح واليه ما بنعلم
والبدري اتقدر والمنو ما بنسلم
يا ريتو لو نعرف يا ريتو يتكلم
سبل الغرام و الريد مليا نه شوك و الم ااصلو الزمن قدار قسم نصيبو ظلم
والاتكتب ده خلاص ما بمشي فيه قلم
راجنو للرحمن لو مره بس يرحم
اصلو العمير الفات ما باقي غير كم كم
اصلو الحصل والكان ما زادنا غيرفي الهم
كتر مشاكلو قبيل ختاه فينا ردم
ياربي غيرك كيف نرضابو تاني حكم
سبل الغرام والريد ماشين عليه ندم
ماشين عليه سنين طول نحن ما بنحلم
/41
الساعه دقت:
الساعه دقت والزمن مابتمسك صبحت ضعيفه حبالو
والبحرجف وخلاص ساب الجروف ساب لرمالو
والشافعه كبرت ماخلاص ما بتتحسب هيه من عيالو
عبد الكريم شفقان عليها وديمه مشغول بيها بالو
خايف عليها من العيون خايف عليها من االمنام الجالو
خايف عليها من الزمن خايف عليها من الهوى واوحالو
خايف عليها من السنين المره واهوالاخايف عليهامن البيشغل بالا
خايف ما تتقدر هيه بحبالاخايف الزمن الصعب يغدر بحالا
الساعه دقت وكملت لدوارا والوليد لسع هو ليه ما جالا
عبدالكريم شفقان علي الشافعه البقت هي براها تدعوالكريم انوالزويل يطراها
كل ما ضيف ياجى ويدق في بابو يقول شوفو المطرطش جاى ليه يا دابو
اصبح يفتش لو يلقى حتى سرابو يرجع يفكر فى الزمن فى قدرو كيفن صابو
يفتكر المنام يرجع هو لاسبابو يفتكرالشافعه لكل العزازواحبابو
حليل عبدالكريم الديمه سابح فى عزابو حليل الشافعه حليل الفى الغرام الزابو
ضاعت خلاص الشافعهة يا ريد لو يلاقى مكانا
والله يجزى الضيعا واله يجزى للازانا
الزمن اصبح كتراصبح هو غابه ماهو ابدا زى زمانا
ا صبح هو ماوى للزئاب تنهش وتشرب من دمانا
ا صبح هو ماوى للزئاب الما بتصون ابدا امانا
/42
مصلاية برش:
مصلايه مصلاية برش او عى الجنيه اوعى القرش
اوعى العيون لامن تطش هى رزينه كيف هى بتتهبش
اوعى الدموع لامن ترش مرات ترش خداعه مره بتنكمش
شوف البني لامن تنش اصبر اوعك تندهش
كيف انت تحيا كيفن تعش والقمرعندك هو اصبح زى شمس
اصلو الجرى عندك هو عادى ورى القرش واصلو الحياءعندك هي عادى بتتخدش
اوعى السحاب اوعى الرشاش اوعي الغيوم تعمل طشاش
مرات بتصبح وا نت باش مرات بتزعل تبقى كاش
فتش زهورك شوف الفراش اتنسم رحيق ريحة الدعاش
شوف البني اعمل طناش لما المطر ينزل دراش
اوعى السحاب اوعى الغيوم اوعى الضروع اوعى الحوم
ممكون تتاوق فى النجوم عطشان بتشرب فى السموم
اوعى القلوب لامن تحوم تكتر عليك تملاك هوم
الدنيا هيه ملانا لوم حاسب خليك دايما كتوم
اوعى الدموع اوعى السحاب اوعى المطر اوعى السراب
امسك دروب اهل القباب الاوليا اهل الكتاب
من الدموع اوعى الشراب اوعى السباع اوعى الكلاب
ما تخشى لنعق الغراب احزر صحاب والبعاد منك قراب
يوم بس سلام
مرات بيشرب من مطر نازل هناك من السحاب
مرات يعاين فى السحاب يعطش ويروى من السراب
مرات يموت هو من العطش فى الموى غرقانى الكلاب
مرات يودع منبسط ما بيخشى لنعق الغراب
مرات هو يسرح فى الخيال يصبح يزور كل الصحاب
الدنيا اصلها فرندكس بترزل الزول الكلس
يوم تحبى فوق جمر الفلس يوم تبقى مبيوع بجرس
فى الدنيا بتشوف العجب اتلخبتن كل العرب
والزول خلاص ما اتكرب ا صبح يفكر فى الهرب
فى عقلو انشل انضرب

مصلاية برش:
مصلايه مصلاية برش  او عى الجنيه اوعى القرش
اوعى العيون لامن تطش  هى رزينه كيف هى بتتهبش
اوعى الدموع لامن ترش  مرات ترش خداعه مره  بتنكمش
شوف البني لامن تنش  اصبر اوعك تندهش
كيف انت تحيا كيفن تعش   والقمرعندك هو اصبح زى شمس
اصلو الجرى عندك هو عادى ورى القرش واصلو الحياءعندك هي عادى بتتخدش
اوعى السحاب اوعى الرشاش    اوعي الغيوم تعمل طشاش
مرات بتصبح وا نت باش  مرات بتزعل تبقى كاش
فتش زهورك شوف الفراش  اتنسم رحيق ريحة الدعاش
شوف البني اعمل طناش   لما المطر ينزل دراش
اوعى السحاب اوعى الغيوم اوعى الضروع اوعى الحوم
ممكون تتاوق فى النجوم   عطشان بتشرب فى السموم
اوعى القلوب لامن تحوم   تكتر عليك تملاك هوم
الدنيا هيه ملانا لوم  حاسب خليك دايما كتوم
اوعى الدموع اوعى السحاب  اوعى المطر اوعى السراب
امسك دروب اهل القباب  الاوليا اهل الكتاب
من الدموع اوعى الشراب   اوعى السباع اوعى الكلاب
ما تخشى لنعق الغراب   احزر صحاب والبعاد منك قراباسالو مره
        /  46انتهي
يوم بس سلام:
مرات بيشرب من مطر نازل       هناك من السحاب
مرات يعاين فى السحاب    يعطش ويروى من السراب
مرات يموت هو من العطش  فى الموى غرقانى الكلاب
مرات يودع منبسط         ما بيخشى لنعق الغراب
مرات هو يسرح فى الخيال  يصبح يزور كل الصحاب
الدنيا اصلها فرندكس          بترزل الزول الكلس
يوم تحبى فوق جمر الفلس    يوم تبقى مبيوع بجرس
فى الدنيا بتشوف العجب           اتلخبتن كل العرب
والزول  خلاص  ما اتكرب      ا صبح يفكر فى الهرب
فى عقلو انشل انضرب       بين الخلوق خش احترب
بسيف مسنن ا نضرب           كيفن يفتش فى السبب
ما الزول بيضحك و متكرب    يوم بس سلام يومين حرب
يوم للدنانير يغترب               يوم بالدنانير ينضرب


مصلاية برش:
مصلايه مصلاية برش  او عى الجنيه اوعى القرش
اوعى العيون لامن تطش  هى رزينه كيف هى بتتهبش
اوعى الدموع لامن ترش  مرات ترش خداعه مره  بتنكمش
شوف البني لامن تنش  اصبر اوعك تندهش
كيف انت تحيا كيفن تعش   والقمرعندك هو اصبح زى شمس
اصلو الجرى عندك هو عادى ورى القرش واصلو الحياءعندك هي عادى بتتخدش
اوعى السحاب اوعى الرشاش    اوعي الغيوم تعمل طشاش
مرات بتصبح وا نت باش  مرات بتزعل تبقى كاش
فتش زهورك شوف الفراش  اتنسم رحيق ريحة الدعاش
شوف البني اعمل طناش   لما المطر ينزل دراش
اوعى السحاب اوعى الغيوم اوعى الضروع اوعى الحوم
ممكون تتاوق فى النجوم   عطشان بتشرب فى السموم
اوعى القلوب لامن تحوم   تكتر عليك تملاك هوم
الدنيا هيه ملانا لوم  حاسب خليك دايما كتوم
اوعى الدموع اوعى السحاب  اوعى المطر اوعى السراب
امسك دروب اهل القباب  الاوليا اهل الكتاب
من الدموع اوعى الشراب   اوعى السباع اوعى الكلاب
ما تخشى لنعق الغراب   احزر صحاب والبعاد منك قراب 

ابا اسحاق:
ابا اسحاق قل لي هل عشقت وهل ابرمت عقدا في رباك
وهل اغرمت يوما بالحسان فضمت كل اصابعها يداك
وهل ابرمت يوما للعقود وانجزت عقودك في مداك
وهل اجبرت يوما في العهود ودنوت قهرا من علاك
ابا اسحاق قل لي كيف كانت وهل كانت تحيكك ما تحاك
وهل زرفت عيونك للدموع ام كانت دموعك من دماك
وهل سقيت دموعك كل فاه ام افترض الحرام علي سواك
وهل جن عليك الليل حتي سئمت من الظلام ومن دجاك
وهل سطعت نجومك في نهار وافل القمر خوفا من مساك
فدار الكون كله في ظلام وافرغ للظلام علي سماك
ابا اسحاق هل كانت تداعب لتسمع كل راغبة صداك
وهل كانت تعاقب للقلوب ليشفي غليلها ابحر صباك
قل لي بربك ماذا قالت وهل كانت تقودك للهلاك
وهل اشفيت غلك من دماها ام اشفيت غليلها من دماك
ام اظهرت الحرام حتي ماجت وجن جنونها بسهام فاك
ام انتعلت نعالك عند لمس فاوردها محاسنها الهلاك
ابا اسحاق قلها لكل انس بان ابا مرة من غواك
وكيف لغيره ان يغوي انسا ومن هو غيره يغري العراك
هو من يحلل للحرام وياتي وقد تشبه بالملاك
ابا اسحاق هل خارت قواك ام اوردك وروده لله
لاك
         ماديلا ايدي:


ماديلا ايدي اسالما
مادالي مادلين في العما
ماديلا في حبل الصبر
والشافعه ماده هي اسهما
فاتت وما داريا العلي
فاتت وراجيه اكلما
ماسابت اصلوطريق وصال
لوبس اطالع انجما
سابت هي نصي انا في الارض
والنص يتاوق في السما
ما الشافعه ما شافعة نصاح
قادرهو الله الالهما
كل الجمال الفي الخلق
كل الحنان فرهد هو في يومو ونما
 
انثى تقــــر
أيتها الحمقاء اقري بربك قد اقر لكي الفتى  
قولى بربك ان حبكى داخلى قد ازيل فاأنتهى
او قد يكون القلب منفطرا وينثر ما تبقى من الندى
لا لاتقرى حبيبتي إن المقر قد يساق الى الردى
لا لا تقرى باثمك الملعون من سبع ومن  اثنين من كل المدى
اثمك الملعون توج قبلك مثله مثل الملوك تجردا
قد تكررفي السهول وفى الحقول قد صار افضل مشهدا
ترا من يحب حبيبه هو صادق لافرق فى الحب من يوم اوغدا
اذا احب فا ول الحب ولاء وقسم على مدى الدهر والابدا
لا افتراق فكما الحياة قد جمعت بالموت ايضا نخلدا
هذا لقبلك فكما اعتديت ستكون ايضا معتدا
قد تكون علما بين العاشقين  جميعهم قد تكون المرشدا
قد يضحك الباكون يوما حين تصبح مقعدا
قد تضحك الحمقاء قد تخفى معالم حبك المتجردا




المحب الاول
يا الخدودك وردة  يا الدموعك ذاد
 تسقى كل العطشي تروي كل فؤاد
 والمحب الاول لو عاش في يوم هو حداد
يبقى ضيع عمرو لو قضاه سهاد
ماهوزول بستاهل الزويل الجاد
الزمن دار بيهو ماتم ليهو مراد
لا النحيب هو برجع من نفسو لو ماعاد
لا النصيب بتحمل يضيع في يومو يباد
ديمه القدر متحكم مابنسي اصلو ميعاد
كل الخطاوى الماشه محسوبه بي عداد
والاتقسم ماهو بزيد لو دقوا فيهو مزاد
والقسمه مابتتحمل تعيش حزن واعياد
الزارعو بدرى وخضر اصبح كساد في كساد
حرقتو انت بايدك قبال تدوسلو زناد
انس الحصل واتصبر سيب نارو يبقى رماد
والجاي اصبرليهويا ريتولو ماعاد


يادنيا ياظالمه
ياروح كفاك عذاب لزول صبح مرتاب
لاقدر عذاب الروح راح ولّي منك غاب
سابك براك وحيد في ليل طويل اومديد
فاتك وساب الريد في ليلو بين الغاب
ساب للعيون تزرف ومن الدموع تغرف
لا ساب هو ليها حرف لا عرفت الاسباب
يادنيا يا ظالمه لي زوله مو حالمه
مسكينه ما عالمه ليها القدر كيف صاب
ضاعت هي احلاما وسنينا واياما
وين ترمى تانى ملاما
والزول ذوب بدرى وذاب
ياربى ياستار خفف من الاقدار
اصلو الزويل قدار ما قدر الاحباب





يوم جارو الحبايب
يوم جارو الحبايب   جارو وقالوا انسى
سيب درب المصايب   سيب الريد وارسى
الحب ذى كتائب    يغير يوماتي يقسى
لاقادة لانائب    بس كيفن هو يرسى
ياالجايرين  علينا كيف ننسى الحبايب
ننسى الريد هو فينا  وكيف نصبح قرايب
لا قادرين نسافر    او نرحل نسيبو
الناهى والآمر    قدرو يكون حبيبو
ينهى ومره يأمر في زول ماهو قادر
يظهر ومره يندر ومرات يبقى غادر
والحب جد مراحل   في فصولو وايامو
والحب مابجامل    لو كتبت اقلامو






بحار النفاق
وفى بحر النفاق اوجدنا الهوى
وفي بحار الهوى امتطيناهو النفاقا
قد يلبى البعض رغبات الهوى
فيسلك من لب رغباته سبل الفراق
ليهوي غيره ويمطر من هواهو
بوابل فيمضي لحاله دون الرفاقا
او يستمد من النفاق بقوة
 ويبعثر الكلمات في بحر من الاشواقا
فيصير ريح الطغاة رياح
 فتملى رماح الرماة للافاق
قد يبدو لنا النصر على الافاق
وكيف ينتصر الهوى من دون اثم او نفاقا
فيا من هوى قلبه ببحر من هوى غيره
لا تكترث فبحر الهوى في الغير دفاقا
لابارك الله فيك وانت غريق ببحر
لاضفاف يحده وغيرك قد راقه ماراقا
فغرقت بساحل منه بعد ان دنا منك
واخرجت الروح منك من غير اشفاقا
فما يعاب العبد من بؤس الم به
ولا يعاب السيدمن بطشه ونفاقا
فلابد من يوما لياتي با خرا
فلا يسأل المرء عن ما الم به من بؤس وارهاقا
اذا ما ولت الايام واضحت غبارها رياحا
وبعد رياحها سيقت مساقا
 الى احدى الديار التي ليس بها ونيسا
واطبقت كل ما بالارض اطباقا
فكل امرئ مهما طال به الامد
 لابد من يوم ليسقى مزاقا
في يوما سينشق فيه القمر
 وتخشى الشمس من الظهور والاشراقا







ليل السواد
انشاء الله يوم تلقي المراد ماتعيشي ابدا يوم حداد
انشاء الله يوم تنسي الحصل تبقيلوا زاد
لاخاف هو من طول السهر لا خاف هو من طول العناد
طول عمرو عايش في سكر بنظرة غاص في سكرو زاد
لاشال هو في يوم هم مهر لا يوم خسر جرس المزاد
مسكين هو من وقع البصر في يوم تعيس ليل السواد
ياريتو لو ماشاف قمر لالبت اقدارو المراد
يكفيه لحظه من السنين ندمان على الخوف من حنين
بلمسه فقدت زاد ا لين في ليله عاشت في انين
خايف عليها من السنين خايف عليها من الحنين
بالفيها تصبح يوم تلين في سكة الريد والضنين
كل الخلق خايفالي اصبح يوم عليل
وانا جد بخاف لو يوم هي فقدت للدليل
وانا عارفو مشوارك طويل والعمر الباقي اصبح جد قليل
والشافعه ما شافعه نصاح والخلق ماعدد ابدا للمثيل
تحسب تعد ترعى النجوم هي وحيده في ليلا الطويل


انا ما عشقتك
انا ماعشقتك في الليالى المظلمة
 ذى كل عشاق العرب
وانا ما كرهتك لا مبالى
 من شراين ساقيه لقلب اتخرب
اصبحت عاشق لليالى المظلمة
 راجى الخيال لو جانى من ارض او سما
راجيهو يظهر زي برق
 راجيهو يوصل يتحرق
 جواى اويغرق غرق
حتى الخيال يا ظالمة انتي مرسلا
 لحته ما بتتخيلا
سايبه الجنان الفي العلا
 النازله ليكي مدللا
مرميه في وسط البلا
راجيه النعيم من الخلا
لو في الجمال جد انتي ليهو مكملا
 بس ايه كسبتي من الجمال غير الجلا
لو فاكره قلة تجربه ممكن تقلل للعتاب
كل الحصل في يوم يروح من غير حساب
من الضمير الفيكي لو فضل يعيش او يفوت يصبح سراب
انتظري يا بت البلد قارب ضميرك ينهمر من السحاب
يرجع يسيب لى غربتو بعد ما طول وغاب
خليكي فاكره للحصل خليكي منتظره المصاب
والعاش سنينو قبيل عذاب راجى العذاب
في يوم هو يتلاشى ويذاب
صحيان ضميرك ما بيفيدك ما الزمان فات شال سنينك
والعذاب العشنا فيه كنا عايشين بى وريدك
إلا وكتين سابنا نعطش وقطع الصله زول بريدك
وسبتي للماضي القبيل ونحن سبنا خلاص بريدك








العيون الديمه باكيه
العيون الديمه باكيه لاها نايمه ولاها صاحيه
والعقول الفيكي هايمه والقلوب البيكي ساميه
لاها قادره علي فراقك ولاها قادره على بكايا
لابتصبر يوم عليكي والعيون زارفات دمايا
مهما ترحل او تسافر نحن بنعدى المخاطر
مهما تبعد ياحبيبنا نحن ابدا مابنكابر
لابننسى زكرى حلوه ولابنخشاها المصائر
مع نجوم الليل نساهر في حسابات مالا اخر
نحن راضين بقدرنا حتي لو جانا وجبرنا
نزرف الدمعات نكابر حتي لوحدد اجلنا
والعيون لو جات هي مره زارفه بتزيد فى سهرنا
ديمه نشقي اونعاتب لزويل كمل صبرنا






الدمعه مابتعين
الدمعه مابتعين بتزيد هي في الالام
لما الفراق هو يحين ويشيل هو للاحلام
ما الدنيا مابترحم غداره بتزيد هم
من القدر مابنسلم ننهى الدموع بي دم
الدمعه مابتفيد لو في الغرام والريد
في ظالمه ليه بتزيد في زول هواه عنيد
اصلو الحبيب غدار كمل هو للمشوار
من غير سبب احتار كتر هو فى الاعذار
خفف دموع العين واصبح مصاب بعين
لزولو ماهو بعين عايز فراقو يحين
كمل هو فينا صبر دا الحبُ كلو جبر
ما الريده مالا عذر لوباقي فينا عمر
ما الزول هو جد مسحوروانا بيهو جد مسرور
بحبي جد مجبور واصبح هو ما ميسور




الجواى اتكتــــح
اناالجواى اتكتح فور هو لى دمي
لامن فاض اتكتح فد نظره بيها انجرح
قوليلا ام خدود لفحتي الفحي الطرح
خلق الله جت لا واحد انجرح
لاخاتين عشم في الزول اليوم ماسرح
لاشالت هي يوم هم زولا بيها انجرح
لاختت عشم في الكم الما برح
كل الدونا صي لازول بيهن نتح
لاعد اللفيهن من محاسن او قبح
ما النيل فاض طفح غرقت الجروف
ماساب رمال او بلح
ماالنيل فاض طفح لاساب للخلق
لافد زويلا برح كل خلق الله انطرح
في شافعي ماها من النصاح لو زارا مجنون اتنصح
واصبح مريض بيها اتلفح افضلو كان مرضو القبيل
يمكن هوكان يوم اتصلح قبال يزيد جرحو القرح
واصلو ما حمل العذاب طول عمرو ماسي وما صبح
ياريتني كت جنيت قبيل فد يوم اعيشو مرح
اصبحت جد معتوه والفيني بدري انجرح

شقيش يا ام وجــــــــن
شقيش يا ام وجن ايه الحصل في الليل
 رسلتي الخيال بشده ذى السيل
طول النهار يكفي الا عذاب الليل
اصبح علي كتير  واصبح يهد الحيل
وانا كنت راجى الريد يبقالي  يوم العيد
الا المراسيل ديل جد زادو فيني الريد
وانا كنت راجيكي بس جد خيالك كان
 اسرع من الحاضر اصبح معاي ذى هم
يوماتي زايد غم وانا مامقصر فيه
بس زاد هو فيني عشم
ماداري للحاصل لو راجي يستولى
 على قلبك الفيني
قوليلو مابتقدر قوليلوما يجيني
لافي النهارلا الليل قوليلو مابتقدر
 تشري القلب مني
والغيرو كان اشطر قوليلو مابتقدر
 لايوم عليه جرس ادق واتسعر
 لاقبلو زول هو صبر
قوليلو يا الغادر
 زولك اكيد صابر
 لانو مالاقي في الاصل متباكي
لاصلك المريود فات جد صبح معدود
 فات في زمن مسدود
يصبح هو من الكان
والماضي ولى زمان
 يمكن هو يرجع ليك
إلا الحصل والكان
الزول هو عايش الريد 
يا زوله اوعي الريد
 الجاني بالساهل يمكن يفوت منك
في لحظه تندهي لى تلقيه ماحاضر
اصبح خلاص ماضي وتعيشي في الايام
لاقادره تصبري يوم
لاقادره تلقي الزول والزول هو فات الريد
تتباكي طول الليل مسكينه  فاقده دليل
لاعارفه ترجعي كيف ملهوفه تلقي القيف
لاخايفه حد السيف لاخايفه حر الصيف
نار الله جواكي خالكي تتباكي
 في ساحل الايام
يوماتي رافعه تمام
اصبحت والخدام ترعو اباليس زول
 ما لاقي ليهو مقام
الا الصبر كملتي من بدري في اعوام


ارتاح خلاص
ارجوك بس منك سماح ملت عويناتي النواح
خاليني في غابات سباع ذى طير وحيد من غير جناح
رابطني ليه قاعد بعيد ارجوك بس فك الســراح
فك العقال خليني بس اطلع براى من المراح
ارتاح خلاص خلى الدموع منك تسيل
خلى الدموع اطلق سراحات العويل
ليه كاتم العبرات عليك جابر عويناتك تشيل
عارف براك شيل الدموع بالحيل تقيل
ارتاح خلاص سيب الزعل اصلو الزعل ماهو بفيد
ارتاح خلاص سيب القديم ابداه للدرب الجديد
انسى الماضي واحزانو والمؤثر فيك شديد
انسى العمير الفات و القاسيتو بالتحديد
واتعلم من الزكرى وما تنساه ظلم الريد
واتعلم من الايام واتعلم من الترديد



ضياع
ياخبر لامن هو جالى انا كنت في نص الليالى
الخبر ياخوى خلاص عشعش كتير انا في دواخلى
يوم ماشفتو معاها ماشي اصبحت بيها انا ما مبالى
ضاعت ايامنا الجميله وضاعت ايامنا الخوالى
اظلمت دنياي مره والعمر من غير مسره
غورتها وغارت خلاص مرقت زمان من جوه بره
الباعت الريده القديمه ما اظنُ  تصونو ديمه
فاكره نفسها في السليمة ياريت اشوف فيها الاليمه
العمر فات ما مؤمل والزمن ليه ما يكمل
خلا وداعو اليرمل في السنين الما بتهمل
والعمر لو فيه باقي ماظنى ارضي انا بالبواقي
والزمن لو جابلى ساقى الزكرى بتدور ذى سواقى






زمن المحن
خلتني في الحال العلى هجت ورحلت من زمن
خلتني رحلت لى بعيد خلتني في نص الزمن
زمن الضياع زمن الرياح العاتيه لى زمن المحن
خلتني محتار براى من قبل ما امسك ثمن
ليه سبتي يانايرة الخدود الزول دا حبو بلا حدود
يتزكر الاوجاع براه ويزيد فى الآمو الصدود
اصلو الصدود منك كتير ياريتنى الحق بالجدود
يتوسد من فوقى التراب اتوسدو يصبح ودود
برسل سلام عبر الزمن بس كان سلام من غير ردود
والرسائل يومي جايه  جايه ماليه الكون جحود
سايباني في نص الزمن لا قادر ارحل او اعود
والطالبو منك ماكتير ياريت تسيبيه الوعود







القطر السريع
القطر السريع لا يوصلك ولاليك يوصلنى
وانشاء ماتلقى المراد انا بى مرادك بعتنى
خايف تجن او تنتهى قبل النهايه المشتهى
عايز اعزب لقليبك يا ريت هو في يوم يتهرى
داير اقول واحكى ليكى اصل الحكايه من البدايه
في يوم من ايام الربيع بدت الحكايه
 بدت في اخر ليالى الصيف
قبال امطار الخريف الجايه
تهطل بغزاره شديده ترفع رايه
مليانه ترفرف للبنيه الجايه
تلوح للوليد البلعب تقولو اقيف
يقيف ببراءة الاطفال
 يعاين في بنيه تنادي
مبلله بمطرا رزاز هطال
وشيشه قمر خدوده ثمار
عيونه نبال تنشن في قليب الزول
تملى الزول كلو وبال
 تجبرو عشان يغوص جواها
 يغرق جوه في الاوحال

ياويح قلبى
يا ويح قلبك من جمودك اسطلى
يا ويح عشقى ماله بكى ابتلى
يا ويح عقلى والذى بخيالك قد اختلى
اعلمى انى نزيل فوق عرشك اعتلى
فهل لى ان اعلو كل صبح قابلا
وترضى نفسك بان اكون بك متذللا
فوالذى انزل الفرقان وفلق الحب والنوى
ومنزل اللذات من حب وعشق وهوى
ان عشقك داخلى قد استوى
هذا كتابك داخلى قد انطوى
قد مال قلبى نحوك حتى هوى
فتطايرت منه الدماء وقلبى منه ارتوى
ماذا تريدى ان اكون عبدا وتكوني انت السيده
ام تريدين ان اصبح راهبا وتكوني انت المعبدا
ايتها الصايده قد ظننت انى اول مصيده
نسجت شباكك حوله من قبل اخذ الموعدا


لحن المــــوج
تعزف عيني لحن الموج
 فيعزف قلبى لحن البركان
يتراقص خدى يرتعد جسد الاموات
يطرب البركان اشتاق انا المسكين الى النيران
انسى الاحياء واشتاق لكل الاموات
عنى ينشغل الاموات بنعيم تشخص للابصار
والفرق الشاسع بين الماء وبين النار
قد ضعت انا وحدى بينهما وسط التيار
قد ضاعت مني قبل الهمس قدضاعت مني قبل اللمس
ماعدت اسأل عن الغد حتما سيكون كما كان الامس
فما زلت اكتم للاسرار ومازلت اغوص في الانهار







قالوا ارتحــل
لا الجروف الفيها بتشبه لجروفنا ولا شواطيها بتشبه لي شواطينا
لاصباحتها وامسياتا بتشبه لصباحتنا واماسينا
ما خلاص فتنا ارتحلنا ضاعت احلامنا وامانينا
لا الطنابير والطبالى الفيها بتعزف اغنيه من اغانينا
ليه البعاد ليه العذاب والعيشه احلى مع الصحاب
قالوا ارتحل ودع بعد ودع قبيل سكن السراب
خلى الفريق حزنان عليه سالن دموعو من السحاب
حتى القمارى ابت تغنى اشتدت اصوات الغراب
قالت خلاص زولكم رحل ياريتو كان من بدرى فات
سالت دموع اهل البلاد جداول تسقي لكل الجهات
هج ارتحل حتى السحاب ومن الجروف كل الصبايا والبنات
حتى السواقى ابت تدور ابت ترتل القمارى الصادحات






فرح الوجــــــــع
قولي يا فرح الوجع قولي كيف هو المستحيل
لو قلب في يوم اتوجع واصبح هو بالريد جد عليل
قولي قبال ما اقول قولي وين القى الحلول
قبال ازيد فيك الزهول امطر وازيد فيك الهطول
قولي ياتعب السنين قولي وين القى الحنين
عارف القدر لى مابعين شكلو الفراق قارب يحين
مشتاق اخاصمك وانتهى لو بي فراق بيه اتلهى
اسرع وازيد انا في المشى ابعد وليك انا مشتهى
اسيب عيوني الجات بتبكى والقلوب الجات بتشكى
من حبيبا ماهو قدر فات وساب هو زمانو يحكى








مهما تقسى
انت مهما قسيت علينا مهما جرت براك علينا
مهما تقسى يا حبيبنا نحن راضين بي مصيرنا
كل ما تقسى تزيد قساوتك كل ما تقسا تزيد غلاوتك
القليب دايما براودك وانت زايد في نداوتك
ديمه زايد في ظنونك وماك عارف للبخونك
مانى قادر اعيش بدونك ربي يغفر ليك يصونك
وانت رامي اللوم علينا وماك فاكر في سنينا
واللضاعت بين ايدينا ونحن منتظرين تجينا
والعيون صبحت تعاين لى زويلا ماهو باين
في زويل اصبح هو هاين في الرحل عدى المدائن
ونحن منتظرين نشوفوا بين رمالو وبين جروفوا
لو لمحنا في يوم وقوفو ذى قبيل مابين صفوفوا
بس هو حالف لقدرنا جانا بقدرو وجبرنا
بي فراقوا اليوم امرنا في الجروف ودر سمرنا
ما الفراق مكتوب علينا والقدر حدد مصيرنا
شال عمرنا وشال سنينا بدري قسم لي نصيبنا


غريب الديار
يا حبيبا عزيزاغريب الديار
لاتجافي حبيبا يعاود في الجوار
لاتجافي حبيبا  وتهمل مسار
لاتجافي تباعد ليوم المزار
قد تلاطمت امواجه وصارت تلال
صار لايخفى عليك التيه والدلال
انه الحب يوما بى طعم الزلال
فيوم حرام ويوما حلال
ياحبيبا تناجى ونادي الرفيق
في غياهب جب اضاع الطريق
في سراب محب يكاد الغريق
 خروجا فيهوى الي مكان سحيق
ومن حوله اشباح الضباب
 وبين يديه تلوح الذئاب
وفي ظلمة نحس اتاه الغراب
 ولب ندءا اقر المصاب


جر في السبح
شوف يالفكى دايرلي بخره قويه
تزيل الالم من فوقي كل المعشعش فيا
اقرالي سورة المانعه اوصل لحد الميه
قبال اصير معتوه يكربني حبلا فيا
جر في السبح يا الشيخ وامسك عدد بالنيه
اصبحت جد مقتول بى شافعه لسه صبيه
جر في السبح يا الشيخ واقرالي ياسين
عساه يشفى هو روح سابح مع الوزين
لو بس تهدى قليل واصبح  من الهادين
جر في السبح ياالشيخ ينتم نص الدين
او بس يصل للبر طليق او لسه سجين
جر في السبح ياالشيخ لي زول وحيد مسكين






سطر مكتوب
اصلو الرحيل اصبح هو مكتوب
 كان في صباح او في غروب
واصلو المصير  ماهو محبوب
 قفل هو لكل الدروب
واصلو القدر بدرى اتكتب
على زول مسيكين جد هو مغلوب
ماهو الزويل المستقر
 كيف يستقرفوق سطرو مكتوب
لاخايف اصلو هو من زمن
 من ريده غرقانه في محن
من بدرى حبوهو اتمكن
 والريده بخست الثمن
زول عمرو اصبح كلو ريد
كيفن يعيش في يوم سعيد
 زول ريدتو في زولا بريد
سهران صبح في ليل وحيد


سهران اناجى

الزول القليبو جريح فات رحل سكن الضريح
الباب البجيب الريح ياريت تسدو وتستريح
ليه الناس تعيش في جراح ليه ما يعيشو في افراح
حليل الزول هو من يوم راح ومن يوم كتر النواح
زولا جد صبح نباح لا في مسا ولا في صباح
خلاص اصبحت بين نيران قلب اصبح هو ذى بركان
طول الليل بين اوحال وبين خيران يمين اصبحت جد حيران
بالشافعه الهى ما انسان يمين الشافعه شافعه جان
ديمه اصحا وديمه اسهر كيف انوم يوماتي اقدر
الزمان فات بينا ودر لخطاوى الشوق هو عتر
الحلم ليه ماهو عبر في الامل اللينا خضر
والسهم لي رمالنا فاجي بيه السمح الليله هاجي
طول الليل سهران اناجى ولي خيالا ديمه راجى




امانه عليك
بس امانه عليك يا اب شنب البنيه دى ضاقت بالادب
مافي مرقه من غير سبب البنيه الاحلى من العنب
مافي زولا رسل او كتب اصلو ما شافوه اللهب
ما الدموع المنها انسكب ومافي زولا عارف السبب
البنيه بي لونا لون دهب ما خلاص فات لونا انشحب
القليب الفيها اترهب مله الحياه ملى التعب
والجسيم الفيها اتصلب نار هواها كيفن غلب
خاتى بالك بس في الدهب والبدق بابك معيب
ماك عارف الواهب وهب للقروش كيفن هوبسحب
قبال زيارتك ليها في جوه القبب الساعه ديك مابتنفعك ابدا خطب








غداره
اخير لك يا قلب تبعد خالص وتخطاهو وتسافر
وتنسي البينك وبينو اوعك لا تخاطر
اتقبل النازلات وارضي بالمصائر
اصلو الزمن فراق اصلو الزمن غدار وجائر
كل ما تقول قربت ليه تلقي الحبيب منك هو نافر
انا قلت ليك انسي الحبيب اصلو الحبيب بقي ليك ناكر
باعك يا قليبي زمان كمان باع الضمائر
روح خلاص منك بعد قرب هناك من المظاهر
فك الحبال المن زمان مربوطه بانبل مشاعر
وعاش مع زولاً خلاص بدل حبالك بالجواهر
انسي الزول خلاص اوعاك لا تساهر
زي ما قبيل هو باعك بيعو و بيهو غامر













ليمون الجناين
دايرك بس تجينا تريحى الفينا
ياحلوه يا زينه ماتقطعى البينا
ليمون الجناين شوقك فينا باين
ماقادر اعاين لا قادر ابقى خائن
قاعد في طريقك لو بس يوم اعيقك
واسكن في فريقك وانهل من وريدك
ياحليلا ايامنا زولنا الفات نسانا
سابنا هو لى عذابنا ماراعى الامانه
وانا قاسيت بحبي بس يغفرلو ربى
الساكن في قلبى وما عايز يلبى




السمحه النديه
حليلنا حليل منانا حليل زمنا وايامنا
 يوم البريدو جانارحلنا وسبنا دارنا
 ساب الفريق سابنا لما فكر في سوانا
رساله عليك امانه توصلو للازانا
 مابنسيب هوانالو دقو جبخانه
 السمحه النديه زايده فيني ازيه
رافضه ليه الجيه الكاويه قليبي كيه
بنيه هاديه ورضيه خدوده نايره ورديه
بعاده سمو سم حيه يلدق يزيد البيه
في الحلوه النديه اموت وادفع الديه
بسم الله سموها بى حبى خبروها
امشو ليها زوروها لالفاتحه اقروها
ياريت تراضوها بحبى هنوها
الله ياذى الاذوها




شايلنا سيل
شايلنا سيل شايلو الهبوب فاض بينا فات بينا الدروب
لون القمر اصبح شحوب ضوء الشمس سكن الغروب
سيلا هو كان بالحيل شديد يجرف زوى الراى السديد
يومو اللكان الدنيا عيد يومو اللكان الليل مديد
شال مننا في ليل سعيد احلام صبانا معاها صيد
ما خلى فينا زولا بريد شال روحى سابني براى وحيد
انا ايش عملته وشن جنيت ماذي  ذي كل العبيد
بحلم بكل ايام صباي تصبح معاها احلامى عيد










يومو الرحل
قالوا طول ما رسل سأل ورونا بس ايه العمل
الوليد من يومو الرحل بيها ما رسل ولااتصل
ياحليلا من رحل الولد ساب فريقا وساب البلد
وكل جيش الحله احتشد خلاها تبكى من الكمد
مره تنسى للزول الهجر مره تضحك مره تزيد في الكدر
مره تنعس ومره تعيش في سهر ماها راضيه ابدا بالقدر
والزمن بهدل حويلا والدموع تنزل هميله
ما خلاص سابت مقيله بالهزل صبحت عليله
تانى بس لي وين تقبل ما الوليد ماهو البرسل
والصبر ماهو البجمل والقدر حالف يرحل
يلا اكتبى في الوصيه يلا زيدى الزول ازيه
زيدى في الهم يا النديه يلا ارحلي يا بنيه
الشاعرقريب الله محمدحسين

**************************
 والمذيد من الابداع القادم باذن الله