محبوبي البريدو
كلمات \ قريب الله محمدحسين احمد
محبوبي البريدو سافر ما هو قدر
من يومو الهو سافر فات لقدرو سطر
من يومو الهو عد من يومو الهو ابحر
ما قدر ايامنا ابدا ما هو قدر
من يوم شال قلوبنا من يوم لينا حير
كيف حدد مصيرو وقدر لقلبو صبر
كيف ارجعلو تاني ونعيد تاني الاماني
سافر يا حليلو برحيلو اضناني
الزول البريدو برحيلو اضناني
الزول البريدو جدد لي احزاني
زكراهو الجميله فاتت بالمعاني
سافر يا حليلو ما عارفين مقيلو
محبوبنا البنريدو فاقد لدليلو
محبوبنا البنريدو صباحنا صبح في ليلو
قسي وزاد قسانا فات جاب لبديلو
ياما قسينا نحن من يومو الهو فاتنا
من يوم فات ارضنا من يوم فات سمانا
لاودع او سافر لا صان للامانا
محبوبنا البنريدو اصبح ما معانا
لاساب كلمه حلوه لا ساب لي دلالي
احسب في نجومو في طول الليالي
وابحث في بحورو لو القي اللا لئ
يا حليل البريدو وايامنا الخوالي
بسم الله الرحمن الرحيم
راجيها كلمات\ قريب الله محمد حسين احمد
راجيها ليه سنين صابر انا المسكين
راجي الزمن يحكم واقدارنا لينا تلين
راجي الزمن يحكم وانا راجى للمادلين
راجي المراد ينتم ينتم نص الدين
لا بدلتنا ايام انا وانت والاحلام
توجنا نحن الريد الا القدر حكام
وبنينا بنيانا و علينا في الاسوار
ضيعنا كل الريد في ساحل الاقدار
روقنا نحن البال وبنينا نحن رمال
زابت هي جوه بحار واتلاشت الامال
اصلو العمر محدود والريده مالا حدود
نكتب ومافي ردود ماالريد نهايتو صدود
يومو الفقد هو دليل اصبح براهو زليل
يحسب نجوم الليل وحيد ما لاقي بديل
اصبح وحيد ايامو يجرع هو من الامو
اصلوا البحر معروف غدار بشيل عوامو
الدنيا لمتنا والدنيا فرقتنا
بالريده غرتنا وبالريده غدرتنا
صببنا دمع الريد في ليل طويل ومديد
اصبح هو فيه وحيد ما لا قي ليه نديد
بسم الله الرحمن الرحيم
ياخي ارحل كلمات \ قريب الله محمد حسين احمد
ياخي ارحل فوتنا تاني ما الحزن شال الاماني
ما الفرح اصبح هو فاني ماهو فضل غير ثواني
ما الرحيل اصبح هو عادي والحزن زاد في فؤادي
قل صبري وشال مرادي ياخي ارحل للبوادي
ما الفراق مكتوب مسطر والقدر ياهو المخير
نمشي في اكفاف قدرنا ومانا عارفين للمقدر
والعيون صبحت تعاين من بعيد جوه المداين
في خضار غاطي الجناين وفي عيوني هو ما هو هاين
ياخي سافر يلله ودع للزمن اوعك تضيع
لاني صايعه وماك صيع لا الحنان الفيك بشبع
ياخي ارحل يا حبيبنا امشي ودع يالله سيبنا
ما الزمن حدد نصيبنا كان ابينا او كان رضينا
بسم الله الرحمن الرحيم
في دنيا التمني كلمات \ قريب الله محمد حسين احمد
ياحبي من غيرك ما كان ليه غايه
في دنيا التمني مين هو بزيد هنايا
اسبح في بحورك وفي انجم سمايا
احسب في رموشك في لحظات هوايا
اسمع كلمه حلوه واسرح في هواك
انسي الدنيا بيك واغرق في سماك
لحظاتنا الجميله لما يزيد هناك
دنيتنا الجميله في ازهار رباك
فجاه تفوت تسيبنا وتزيد في ازانا
ترحل من ديارنا وتفوت لسوانا
لا راعيت مشاعر لاصنت الامانا
يا حليل البنريدو اصبح ما معانا
كلماتو الجميله والكانت اغاني
ضاعت يا حليلها وضيعت المعاني
ضيع لحروفا ضيع للاماني
ما قدر هو فينا للحب والتفاني
سافر يا حليلو فات اهلو ومقيلو
من غير ما يودع سمارو ونخيلو
اصبح ما هو داري انو فقد دليلو
من غير ما يودع سافر يا حليلو
بسم الله الرحمن الرحيم
خايف عليه كلمات \ قريب الله محمد حسين احمد
خايف عليك من الحصل من العناد من الزعل
الفيه ما كان ليك ايد برضك تكوس عن الحلل
طيبان او ما ناسي الحبيب الاصلو ما هو محتمل
خايف عليه من الدموع خايف عليه من العلل
خايف عليه من الزمان تتمني لو يصبح مصان
تتمني لو ينسي العزاب يرجع هو بنفس الحنان
ويسيب عناد من غير سبب يرجع هو زي ما كان زمان
قبال يضيع منو الزمن قبال يفوت منو الاوان
يرجع يلاقي الزول هو فات قبال يحدد لميعاد
لا قدر الزل و الهوان من غير سبب زعل و عناد
لا قدر ايام زول حنين جاب القدر غصب المراد
ومهما ما كان لينا ايد بنعيش معاهو في حداد
خلانا عايشين في ضياع لامن هو فات من غير وداع
حتي الرياح ما جات تهب وقفت خلاص كل الشراع
في القليب وقف النبض ما زي قبيل نبضو بسراع
اصبح هو ابعد من زحل ما بتحسب بعدو بزراع
بسم الله الرحمن الرحيم
خايف عليك كلمات \ قريب الله محمد حسين احمد
خايف عليك من سكتك السالكو ما بين السكك
خايف عليك من طول طريق واول حبيب ما يقدرك
خايف عليك من سكتك خايف عليك من الغرام
خايف عليك هي توصلك لنهايه مليانه بملام
خايف عليك من الشقا خايف عليك من العزاب
خايف عليك من الزمن تلقاهو يوم ضاع زي سراب
لا تلقي فيه قمر مساك لا تلقي فيه من الصحاب
والدموع السايله تدفر تبدا شقيق بالعتاب
سيب العزاب سيب الشقا
سيب العتاب سيب الاسي
سيب العناد سيب الجفاء
سيب الغرام يا زول كفاك مداعبا
بسم الله الرحمن الرحيم
بالله يا ايام كلمات \ قريب الله محمد حسين احمد
بالله يا ايام ما تزيدي في الالام
كفاك عزاب لزول ما لاقي ليه مقام
من روح تفوت من زول ترجعلو في ايام
يرجاها حول وري حول لو بس تجيبلو سلام
ينسي الكلام والقول يا ريد تعيد لو كلام
يتمني منو رسول في يقظة الاحلام
من زول هو فاتنا وغاب من زول هو زادنا عزاب
من زول نسي الاحباب قبال يجيبلو اسباب
ما راعي فينا زمان العطفو فينا مصان
عيشنا في احزان يا ريتو لو ما بان
الزول هو وله و فات خلانا للاهات
كتر عشم بايتات ما خلا فينا لزات
بالله يا مرسال احكيلنا عن الحال
الرجعه ليه محال و احسن تريحو البال
بسم الله الرحمن الرحيم
صياده كلمات \ قريب الله محمد حسين احمد
ماديلا ايدي اسالما ماالشافعه ماده هي اسهما
ماديلا في حبل الصبر مادالي مادلين في العمي
فاتت وما داريه العلي فاتت وراجيه اكلما
ما سابت اصلو طريق وصال لو بس اطالع انجما
سابت هي نصي انا في الارض والنص يتاوق في السما
ما الشافعه ما شافعة نصاح قادر هو الله الالهما
كل الجمال الفي الخلق كل الحنان فرهد هو في يومو ونما
اصبحت سلبح في بحر بحر الهوي الما محتمي
اطرافو نيران العزاب مغروسه في النص اسهما
راميالي خيطين من عزاب صياده ماهره معلمه
تجبد براها هي بالخيوط اتقطع المن بدري فيني هو اترمي
نستني كل الكان قبيل صبحت خلاص متبلما
لا قادره هيه علي قليب اصبح هو ماسح مرسما
ساب الشويفعه المن زمان لو بس هي تنسي البرلمه
تجبر هي فيني الاتقسم اعيش هواها اتنسما
مسكينه تايها هي من قبيل بس كيف ارسي والملما
كيفن ادرس لقليب في شافعه ظاهره معلمه
اصلو النصيب بدري اتقسم والشافعه زاتا مقسما
عايز اجبر للجراح كل ما تعزب اقاوما
واشفي الجراح المن سنين واهديها درسي واعلما
بسم الله الرحمن الرحيم
ما ترحلي كلمات \ قريب الله محمد حسين احمد
ما ترحلي قبل الوعود ما ترحلي واوعي الصدود
ما ترحلي وتسيبي زولك اصلو زولك زول ودود
ماترحلي علشان هواك الاتقسم منو هواي
ما ترحلي علشان مناك هو زات مناي
ما ترحلي اصلو الرحيل منك كتير
ما ترحلي لانو الحبيب خالاهو في عز الهجير
ما ترحلي وتخلي زول من غير ضمير
ما ترحلي وتخلي زول ما بيقوي علي زات المسير
لو ترحلي سيبيلو بس باقات ورود
لو ترحلي بتخلي زول بالحيل ودود
لو ترحلي بس اطبعي للزول خدود
ما بتقدري اصلو الطلب بالحيل تقيل
مابتقدري تنفدي للصبر الجميل
ما بتقدري اصلو الطلب لو ما عديل
لو تقدري بس ودعي من غير دموع
لو تقدري بس سافري من غير رجوع
لو تقدري بس اشبعي من غير ضروع
ما ترحلي يا زات مناي
ما ترحلي وتسيبي هواي
ما ترحلي لو ترحلي ما بتقدري
لو تقدري علي المي و هواي
ما ترحلي
بسم الله الرحمن الرحيم
سبل الغرام كلمات \ قريب الله محمد حسين احمد
سبل الغرام والريد ماشين عليه ندم
ماشين عليه سنين طول نحن مابنحلم
والاتكتب في اللوح واليه ما بنعلم
والبدري اتقدر والمنو ما بنسلم
يا ريتو لو نعرف يا ريتو يتكلم
سبل الغرام و الريد مليا نه شوك و الم ااصلو الزمن قدار قسم نصيبو ظلم
والاتكتب ده خلاص ما بمشي فيه قلم
راجنو للرحمن لو مره بس يرحم
اصلو العمير الفات ما باقي غير كم كم
اصلو الحصل والكان ما زادنا غيرفي الهم
كتر مشاكلو قبيل ختاه فينا ردم
ياربي غيرك كيف نرضابو تاني حكم
سبل الغرام والريد ماشين عليه ندم
ماشين عليه سنين طول نحن ما بنحلم
انتبسم الله الرحمن الرحيم
حزكة مين كلمات /قريب الله محمد حسين احمد
حركة مين تفتش ترضي كيف امريكا
وعارفه امريكا خاشه عشان تغير دين
و ايه يعني امم متحده مجلس امن وليه يعني كمان الصين
ما عارفه امريكا بتعمل لينا يومي كمين
وايه يعني كمان امريكا ما حالفه تخش هي ليهاسنين
هي ما قادره بجيشنا وله بسيفا طويل سنين
كان في قوة سلاح دوشكا وكلاش
خلاص ىاصبحنا جد هينين
كان طيران او غواصه
مانا اصلنا ناس غايصين
كلنا نحن وكل الناس
وكل الكون كمان عارفين
ما فيش البيصمد في وجيه امريكاغير الدين
وايه دبي عمي الدببه التشيل
من راسو حتي العين
ما قادرين سيبو للكراسي عديل
اقعدو شوفولامريكا واسرائل
يمين كل الاراضي هي ترجع
معاها البوش اسير وزليل
ونملي الدنيا كلها ويل
نخلي دمانا تقطر للركب هي تسيل
وايه يعني يفوت الروح او ماهو عليل
نخلد نحن لتاريخنا
يدرسو فيه جيل وري حيل
نحكم نحن كل العالم
نفوت امريكا نصبح جوه اسرائيل
بسم الله الرحمن الرحيم
السودان علي الاعداء كلمات/قريب الله محمدحسين احمد
السودان علي الاعداء ما فيش تحنان
قوه قويه زي بركان
تابت منوحتي الجان
شرارة شعبو زي نيران
تحرق كل اعدانا تصبح مقبره للامريكان
كيفن ينسو لهكس ولغردون في امدرمان
لامن شاف هناك الويل لامن شاف لهيب العين
براكين جاريه زي النيل
شاف الويل وشاف الموت قبل ماالموت يجيه عديل
يمين كان جاري هو قتيل
من الخوف جري الملهوف
لا دبابه لا خرطوش سلاحا اصلو ما معروف
او ما هو سيوف سلاحا مابعرف الخوف
من طيران او انتنوف
سلاحا كان هدي وايمان
سلاح قران يجمع ليه في السكان في امدرمان
يمين فد يوم كل القوم خلو النوم
ربطو بطون شالو الصوم
يمين قواد يعجبو الزول
لاطربوش او طاقيه لا موديل وعربيه
لا الشقه الهناك مبنيه
لاخدما ولا حرسا يحرسو الليل بمهيه
لا الوزارات الكتيره و الادارات الكتيره
ولا الشعب الهو ماسك السيره
وكل متعلم لازم يبقي هو وزير
ولو ضاقت يخلقو اداره يبقي مدير
ومين يبقالنا نحن غفير
واليوم اليلف ويدير
اشاره سريعه جوه البير
يستاهل يقع في البير
ويشرب تاني من الزير
ويرقد لالحاف لاسرير
يقوم الزول يبيت نيه
يقول علي اعدائ وعليه
لاوطنيه لاشعبيه
نطالب قوه امريكيه
تحميتا وتغير لمناهجنا
بدل زنجيه عربيه
لزنجيه غربيه
ويصبح القتل واجب لاقانون ولاديه
نعيش في غابه ابديه
ويتقسم السودان دويلات غير حضاريه
و خاليه من كل قطعه اثريه
كمان يتصدر البترول
ونستورد حشيش قندول
يصدرو خيرنا لبره
يوردو لينا نحن الشر
كيفن نرسي من دون بر
ونصبح نحن جوه دمار
لا بترول ولا اثمار
وانا المسكين زنبي شنو
شوفو الساسه كانو منو
الوزاره تطيروالاداره تطير
والرئاسه تطيرتقع في البير
لكن مابنرضي بناس بوش
يجونا ويملو لينا الحوش
يقسمولغرف تاني
يفتش في تحقيق اماني
يفكر فيه ليه سنين
قاصد الخير قاصد الدين
كيفن بس نمد الايد لامريكا لشارون
كيفن نرضي بامم متحده بقانون
تجيز لامريكا مد العون
مقابل انو تتقسم مياهنا العزبه لقسمين
دجله والفرات لبوش
وشالا عديل
وقالو النيل للصهيون لاسرائيل
وزي ما استولو علي النهرين
يستولو علي النيل زاتا في حولا
ويبقي شرابنا من البيبسي والكولا
ويسكنو في ضفاف النيل
ونطلع منو نحن عديل يمين والله بوش كذاب
يمين النيل تصبح مقبره لود بوش لاسرائيل
بسم الله الرحمن الرحيم
انشاالله تقوم / كلمات / قريب الله محمد حسين احمد
انشاءالله القيامه تقوم
واكون مظلوم ولكل الصفوف معلوم
وخالي هدوم وزول مكلوم
اخيرا حانا زول دكتور
وزاد البوش موية فول
وسمع القول القايلنو من بدري
صبحت طلقه في صدري
فرق ياما للاحباب
وحالف للقدر الصاب
لازول بوري لازول كاب
يمين كضاب مسموم سمو زي الداب
لدغه تجيبلك الوتاب
دخل الحوش من غير باب
زمان يا فتحي ماك عارف انو السيل شديد جارف
يمكن تجرف الخرطوم
وتزرع فيها كل القوم
و ينبت الثمار محروم
نرجع ليك كل اللوم
تبقي وحيد من غير ايد
وغيرك كلهم في عيد
براك سويتا في نفسك
قايل الثوره بتعزك
صبحت ثورة الانقاز تفتش في عزاز الناس
حليل الكان زمان كواس
يكوس الناس صبح الليله هو البنكاس
لا استقبال ولاحراس
يمين يا زولنا ماك براك
كل الناس حيبقو معاك
حتي الشيخ والدكتور وزول الكاب
يمين كضاب لو جاك زول
وقال ليك انو مافيش باب
يمين كضاب
ولو جاك زول وقاليك انو مافي اعضاء ولانواب
يمين كضاب
ولو جاك زول وقاليك انو ما فيش زول وقدالزول زولك القديم الداب ماكضاب
وزي ماساقية الايام
دارت بيه وقع هو سريع
اترتح واترنح وابدا ما قدر هو يقيف
اصلها وقعت الملهوف
شديده وظاهره للمالوف
انتهي
بسم الله الرحمن الرحيم
ياالكامبو / كلمات/ قريب الله محمد حسين احمد
هوي يا الكامبو سيب اعمالك
وانسي خيالك
يمين فد يوم نطيربالك
وما تقدر تشوف لحالك
وشوف يا الكامبو لو مجنون
جنك انت لينا بهون
ومين العينك في الكون تحكم فيه ات تصون
وايه يعني كمان قانون
اجازت ليك تحاكم الكون
وشكلك انت قاري فنون
يمين ريسنا يا الكامبو لاخائن
ولاهو بخون
وما فيش غيرو في العالم هو لينا بصون
ويا الكامبو شكلك من ملاهي الليل
جاي وماك ماشي عديل
بتترنح زي الوحلان في مجري السيل
تفكر كيف تخش بالليل
تصبح انت في المقرن معاك ناس ديل
نهايتك انت ياالكامبو
غرقان في مياه النيل
معاك ودبوش واسرائيل
بسم الله الرحمن الرحيم
الكامبو الرزيل/ كلمات /قريب الله محمد حسين احمد
الكامبو الرزيل اصبح خلاص يا دفعه
راكب راس عديل لساتو ما دار يوعي
قوماك لفكي يرميلنا فيه الودعه
ونسمع خيرتو فيه من الحصي اب سبعه
شاف الفكي للكامبو بين السبعه
مدسوس في الرمل حاشاه ما زول طلعه
الاطليعتو مليانه شر زي ضبعه
انتظرو الوليد لامن يصل للضيعه
لامن يصل للنيل يروي هو بفد جرعه
فد جرعه من النيل تبقالو سم النقعه
تحرم عليه الجرعه وتحرم عليك اللبعه
وشكلك يا الفكي زي الملاحق التسعه
الكامبو الرزيل نمشيلو جوه الضيعه
نخطف برانا الضبعه
نرجعبو نحن بسرعه
نسقيه من الترعه
تحرم عليه النيل او منو بس فد جرعه
نخطف برانا الضبعه
وامريكا تزرف دمعه
والدمعه تصبح لبعه
ليك يا الفكي اب سبعه
لو يوم بعد ريسنا مين تاني لينا هو برعي
لو يوم بعد مشيرنامن تاني ليه مصيرنا
لو يوم بعد عمرنا من تاني ليه امرنا
لو يوم بعد مشيرنامن تاني ليه مصيرنا
بسم الله الرحمن الرحيم
يا بنيه كلمات /قريب الله محمد حسين احمد
يا بنيه عليكي الله ما تلملمي في الاهله الافه حولك حله حله
وكل واحد فيه عله والعلاج الفيكي قله
و كل واحد خاتي لو يلقالو ذله`
يا بنيه خلاص سكونك ما السكون الواضحه كانت في عيونك
بعد ما كترت ديونك وعامله انو كتر ظنونك
في الاهله وكل واحد هو دونك وماهو عارف للبخونك
وكل واحد خاتي انو سبب جنونك
يا بنيه انا اصلي واحد من الخلق من البشر
وانا ماني من عباد عبيدو انا اصلي حر
لو الثمار اتبللت كبرت خلاص اتفرعت صارت شجر
والبحار الواسعه جات اتبخرت من تاني نزلت المطر
من تاني قام ملي للبوادي وكل وادي صبح بحر
وكل الاهله الحولك انت اجمعت صبحت قمر
واصبحت وحدي يا بني الليكي سر
كل الحنان الكان موزع في اهلتك الزمان
اصبح مصان ماهو المبعثر زي زمان في كل مكان
بس ماكتيره علي الهلال لامن يشيل كل الحنان
الكان مقسم من زمان علي كم هلال
مليان دلال كيف الهلال يرجع يكسرللغلال
الكان مكبل بيه من بت الحلال
يرجع هو لعقلو الصبح من الزوال
هديتي بنيان الهلال مبنيه كانت من رمال
علي كل حال لازم تعرفي انو ريدتك ما كتيره علي الهلال
بس بعد ما ظهر الهلال
وخلي اقمارو القبيل
الكانو زي نجوم الليل
مرصوصه حولو وليه ما لاقين بديل
اصبحتي لكل النجوم وحدك بديل
فقدو الدليل خليتي بيكي يكون زليل
فاقد الدليل
اصبح هو عايش في سراب
لساتو ما ظهر الغراب
لا شافك انت مع الكلاب
ممكون هو بانبل عزاب
مبسوط هوانو لقي الحباب
من غير ميعاد
اول ما داس هوعلي الزناد
الصوره كانت زي رماد
مبهوته مادايرالها جاد
مرسومه مبهوته بحداد
واللون وحيد مليان سواد
من يومو اصبح في حداد
كترو الجراد اصبح معاهم في المزاد
اسعار مولعه والعباد
يوماتي ماشه هي في ازدياد
ما فيهم غيري انا اصلو جاد
ومن ما فضلت البعاد
ما عارف الحصل جوه البلاد
تاري المزاد من بدري دور في البلاد
والناس هي صبحت كاشفه لسعر المزاد
ناس بس تنقص في السعروناس بس تزيد
والناس تعاين في الجديد
قالو الجديد حيكون شديد
مسكينه تضحك في البليدلامن يزيد
مادالوفي حبل الصبر لامن يزيد
والزول مسيكين ديمه رافع في السعر
والناس هي كلهاواقفه في نفس السعر
تاري المزاد مبيوع هو يوماتي بسعر
مسكين يزيد لامن عتر
في نص رساله من الحبر
مرصوصه بالكلمات تقول نص من شعر
مكتوبه بخط البكرلعشره مزيوده بصفر
وانا اسمي مسحوب زي وتر
يا رب اموت وله انتحر
وانسي القليب الاتكسرلامن قبيل شاف القمر
شاف شافعه ماها من البشر
لامن سما ولامن بحر
لاورده هيه ولازهر
من بره ظاهره اكوام درر
جواها اكوام العشر
كيمان هي لمد البصر
جواها تمشي مسير شهر
كل خطوه محفوفه بخطر
والخير هو عندها كلو شر
تاريني مسكين ياالقدر
وانا اصلي مطعون في الضهر
ماداري للحاصل هناك جوه البلد
تبداها من حلة حمد
والشهره فيهم هي الرمد
لامن تصل بين الاهل
تلقاها لست الحسان
والماها سابت جور زمان
تتلقي بكيمان حنان
لكل زول لو حتي جان
مسكينه شايفه هي للزمان
بعين هو فاقد للحنان
معزوره ما لاقيه الامان
لا لاقيه زولاليها صان
او شاف هو للافعال ودان
والناس هي كلها من زمان
شايفه الحنان الفيها فاض ملي كل مكان
وكل عطشان صبح رويان
واظن في الحته اصبح مافي زول عطشان
لمتين ازايد في المزاد المافتر
لمتين ازيد انا في السعر
لمتين اكمل في دماي بدل الحبر
بسم الله الرحمن الرحيم
الرواكيب القبيل كلمات /قريب الله محمد حسين احمد
الرواكيب القبيل مصنوعه بمرق الهبيل
منسوجه بخيط الدليب
جواها زير مليان هو بموية الغدير
ديوان مزخرف بحرير
نازل هو بخيط عنكبوت مليان هو في ركن البيوت
اشكال تخوف في العباد مرصوصه بفوق الجياد
لون دم هو نازل زي مداد
خلق الله ديمه هي في ازدياد
بس ماها لاقيه هي لمراد
نكتب نسعر في المزاد
يوماتي من فوق الرماد
ماشين وعايشين في حداد
فوق الهجير بين الرمال
خطوات هي ماشه علي الحبال
زي مستقيم بعد الزوال
والناس هي خايفه من البحر موية الزلال
يوماتي راحله علي التلال
والقمر اصبح هو ثابت في الهلال
خايف يفوتو خايف يصل حد الكمال
ما يلقي لزمنا يرجعو للهلال
والشمس صبحت تتاوق من بعيد بين الجبال
والزول هو مسكين ما هو لاقي طريق وصال
اتقطعت كل الحبال
اصبح وحيد يوماتي نازل في مسيد
والقلب اصبح هو اقوي من الحديد
بين الحياري و العبيد
ضيع هو لكل الجديد
والعمر اصبح مديد
لادار يفوت لاقادر هو لسكن البيوت
اصبح وحيد اصطادو خيط العنكبوت
اصبح ملاصق كل اركان البيوت
حتي البيوت صبحت هي خاليه من المرق
ما السوسه ما سابت مرق
والدنيا كملت الخلق
نص الخلق نصة نهار دار يتحرق
والنص هو في نص البحر راجي الغرق
وانا نصي بفوق للسما راجي البرق
والنص هو في نص البحر راجي الغرق
وكل الخلق مبسوطه لما وقع مرق
ما راجيه تعرف لسبب
محروقه خايفه من اللهب
غرقانه خايفه الاتخرب
ما يتعدل من المحيط
لامن تصل بحر العرب
والموج هواصبح زي جبال
نص البشر رافعين ونازلين في الصلاه
والنص هو منتظر البلاء
راجنو لو خم البشر
الصبحو في نص البحر
راجين نهايات القدراو لغفور لو بس غفر
بسم الله الرحمن الرحيم
يا هاله كلمات /قريب الله محمد حسين احمد
ياهاله اصلك بت حلال ما بدنسك حب الريال
عديت وراك كل البحار وزحفت كملت التلال
كل السنين عديتا صبحت زي هلال
كل الكلام القلتو ليكي ما بسوي احرف من مقال
محفوره في جواي ابدا ما مسطره في رمال
اقول يا ليل بعد ما زاد علي وطال
كفاك يا ليل ارحم للدمع السال
وغرقت فيها كم حلال
الحله هي غرقت حتي ابو فاطمه والشلال
يرد الليل المك كيف قبال ما تسد المال
قايل المال هو كم دينار او هو ريال
قالي مالك لما ترضي وتستخير بت الحلال
اصبح وامسي وراجي ليلي يجيبلي بنفس السؤال
يرجع يرد لساتا مارضت ابتهال
ما البني لساتا محسوبه هي من العيال
يوم جدو جايط ويوم نهال
وعبد الوهاب لساتو ماسمع الجدال
وللعواطف اصلو مالاقين مجال
احبك انت يا ليل السجم والفال
براك اصبحت شايف الحال
قالي الحال ابدا ما بسر البال
البني صبحت مصابه هي باعتلال
شايفاك بتكذب عليها وماك اصلا ود حلال
تجرع العلقم تسافر في الخيال
تشرب وتروي من الزلال
وتحلي بحلو المقال
من تاني ترجع للوبال
اخيرا قررت بت الحلال
واتراجعت ما دايره اصلا للعجال
واتراجعت اصلو الرباط بيناتنا اصبح جدمحال
قطعتي لكل الحبال
ما سبتي اسباب الوصال
تنمو وتخضر في بحر او في جبال
قيدتي بطن من حبال
بتمني ليكي من القلب يلقاكي زولاجد تلب
وتلقيه لود الحلال يصبح هو ليكي ابو العيال
ا
بسم الله الرحمن الرحيم
غدر الزمن كلمات/ قريب الله محمد حسين احمد
الدموع مليانه في جوه العيون
مسكينه صبحت ما بتشوف
غير الشقا المرسوم هو ما بين الحروف
اختارا من بين الرفوف
بين الخلق الواقفه كانت بالصفوف
الواقفه من بر البلد لامن تصل حد الجروف
ما بتتفرز بين الصفوف بس في الكتوف
اقصر هو من اول كتف
عزلوها من اول حرف
والقرعه قبال الصرف
قبل البدايه هو محترف
بحال صبح ما بتوصف
و الدمعه فيها بدت تجف
اتفاجات بدفره من فوق السقف
بدت البدايه من النهايه
ما بتقدرهي ترفع رايه
والوسيله ما بتبرر تاني هي غايه
يا ريد تبقي للجايين هي ايه تصبح براها كبش فداء
وتصبح هي للجايين وقايا
ا
بسمالله الرحمن الرحيم
لاتكذبي كلمات /قريب الله محمد حسين احمد
لا تكذبي لا تكذبي اصلو الكذب ما بمشي غير في زول غبي
لا تلعبي لاتلعبي لزول عزيز ما تعزبي
دايرك تكوسي لبر امان
اصلو الحصل كان من اهل او من جيران
مسموعلي واصلي انا ما نبي
لا تكذبي لاتكذبي
عزيزه بت ناسا عزاز حنينه بت ناسا حنان
ست الاسم اسمك مقسم في الاركان
اوعي تلاعبيلي الصبي
لا تكذبي لا تكذبي
كان في الشهادي او الصلاه او في الذكاة هو طريق جنان
والاسلام هو ما بيتاتى من غير نيه او ايمان
اسمك كبير لو بيه بس تتحجبي
لا تكذبي لاتكذبي
كل الناس بتخطي تصيب في كل ساعه كل مكان
اوعاكي بس من الكذب هي كارثه من جور الزمان
غلطت في ايه وما ذنبي
لا تكذبي لاتكذبي
فتشت ليكي انا في العزر انا يا عزيزه انا بعتزر
لو خانك انتي بس العمر ما منك انتي من السمر
وما غلطتك واصلو البدر ما بلقي راحتو هو في صباح او في ضهر
يا ريت اكون ما بين ضريح جواة قبر فتشت ليكي انا في العزر
لاقيتو في السن والعمر وانا يا عزيزه انا بعتزر
وانا ما رسول انا ما نبي
لا تكذبي لاتكذبي
بس ما كتيره علي الكبار لامن يكونو زي الصغار
من غير صدق من غير هظار من غير سبب عايزين دمار
ما العم هو خال والناس كتار والود هو من نفس الديار
لو بنفعو مني اعتزار في الخال هو ابدا ما خسار
بس ما تصدقي للكبار ولي اوعك تعتبي
لا تكذبي لاتكذبي
علي كل حال انا بعتزر علي خال عزيز ما بنتصر
لزول خلاص لزول عتر لزول هو لا خرف كبر
لزول هو ما دار يصطبر لزول هو يا ريت لو فتر
ياريت كمان ينسي الكتابات والحبر
ياريت تراسلي وتكتبي
لا تكذبي لاتكذبي
علي كل حال اصبح محال القالي تلني انا بت حلال
اصلو الحصل كان مني او من زول هو خال
او منك انتي او شله هيه من العيال
ما اظن يروق من تاني بال اصبحت مغلول بغلال
مسكين بناي كان من رمال بانيه في وسط التلال
اول رياح صبحت زوال ارجع اسوسق في الرمال
ما الماضي بحفر في الجبال ناهيك بنيان من رمال
وانا زنبي ايه من الحصل من القوال
غير اني مليان بزنوب مشروره ظاهره علي الحبال
ومن الزنوب لامن كمان درت الحلال
وما مسئول وما بنفع اربي عيال
علي كل حال اصبح محال
ارجع كمان من تاني ترجعي تلعبي
لاتكذبي لاتكذبي
بسم الله الرحمن الرحيم
جور السنين كلمات /قريب الله محمد حسين احمد
سافرنا من زمن العجائب
لزكري مليانه بمصائب
لزكري مره من الحبائب
من السنين كم اتلدغنا من الدبائب
كل القلوب صبحت هي مليانه بشوائب
ما دار تتوب وماني اصلا تاني تائب
ماني تائب وماني خايف من قدر
ما الظلام الفيني ما بمحيه شمسا لا قمر
لا زكري حلوه ولا كمان قعدة قمر
ولا صدي القمري البقوقي علي الشجر
لا موجه هاديه ولا كمان موية بحر
لا الرمال ولاالجروف الواسعه لا كل الخضر
ما خلاص فتنا و بعدنا من البلد من الحنين
لحته ما معروفه وين محفوفه بجور السنين
وفضل براي في غربه بين اهلي وحزين
في حته صبحت زي سجن اصبحت فيها براي سجين
الجراحات غايره فيني وناقشه في طول السنين
ما خلاص الدنيا ضاقت وضقت بالجواي دفين
حتي الدروب اتقفلت ما زي زمان بتودي
لبر امان ولا الشراع ما زي زمان بيعدي
صبرت كتير و صبري كمل وفات حدي
خلاص يا دنيا رسلي لي علي ردي
وما تنسي الظلم قاسي ولي يا دنيا ما تهدي
رسلي لي بشارة خير اريت يا دنيا لي تهدي
رسلي لي بشارة خير ولي يا دنيا ما تصدي
بسم الله الرحمن الرحيم
العشم فى الله/ كلمات /قريب الله محمد حسين احمد
الروح تفتش للمروق بس كيف تفوت تنسله
والقليب مليان حروق واصلي ما فاقد العشم في الله
اصبحت تائه في الدروب يا ربي كيفن بس الاقي الحله
والزول هو ما زولي البروق حالف هو ما يندله
وقفت خلاص ساعة السنين حتي القمر وقف هلالو الهله
والعمر راجي الرويح بس كيف تفوت تنسله
والرويح دايره المقيل في جسد هزلان مذله
والعمر قارب نهايتو كان كتر هو كمان وقله
والزول هو يحسب في السنين والعمر فات منو وله
والسنين كملت عليه حليلو لو ماتاب وصلا
ما الزمن ماهو البيرحم لحبايبو وللاخله
والزول هو خايف من وجع يوماتي غرقان جوه عله
بسم الله الرحمن الرحيم
الساعه دقت كلمات/ قريب الله محمد حسين احمد
الساعه دقت والزمن مابتمسك صبحت ضعيفه حبالو
والبحرجف وخلاص ساب الجروف ساب لرمالو
والشافعه كبرت ماخلاص ما بتتحسب هيه من عيالو
عبد الكريم شفقان عليها وديمه مشغول بيها بالو
خايف عليها من العيون خايف عليها من االمنام الجالو
خايف عليها من الزمن خايف عليها من الهوى واوحالو
خايف عليها من السنين المره واهوالاخايف عليهامن البيشغل بالا
خايف ما تتقدر هيه بحبالاخايف الزمن الصعب يغدر بحالا
الساعه دقت وكملت لدوارا والوليد لسع هو ليه ما جالا
عبدالكريم شفقان علي الشافعه البقت هي براها تدعوالكريم انوالزويل يطراها
كل ما ضيف ياجى ويدق في بابو يقول شوفو المطرطش جاى ليه يا دابو
اصبح يفتش لو يلقى حتى سرابو يرجع يفكر فى الزمن فى قدرو كيفن صابو
يفتكر المنام يرجع هو لاسبابو يفتكرالشافعه لكل العزازواحبابو
حليل عبدالكريم الديمه سابح فى عزابو حليل الشافعه حليل الفى الغرام الزابو
ضاعت خلاص الشافعهة يا ريد لو يلاقى مكانا
والله يجزى الضيعا واله يجزى للازانا
الزمن اصبح كتراصبح هو غابه ماهو ابدا زى زمانا
ا صبح هو ماوى للزئاب تنهش وتشرب من دمانا
ا صبح هو ماوى للزئاب الما بتصون ابدا امانا
بسم الله الرحمن الرحيم
مصلاية برش كلمات/ قريب الله محمد حسين احمد
مصلايه مصلاية برش او عى الجنيه اوعى القرش
اوعى العيون لامن تطش هى رزينه كيف هى بتتهبش
اوعى الدموع لامن ترش مرات ترش خداعه مره بتنكمش
شوف البني لامن تنش اصبر اوعك تندهش
كيف انت تحيا كيفن تعش والقمرعندك هو اصبح زى شمس
اصلو الجرى عندك هو عادى ورى القرش واصلو الحياءعندك هي عادى بتتخدش
اوعى السحاب اوعى الرشاش اوعي الغيوم تعمل طشاش
مرات بتصبح وا نت باش مرات بتزعل تبقى كاش
فتش زهورك شوف الفراش اتنسم رحيق ريحة الدعاش
شوف البني اعمل طناش لما المطر ينزل دراش
اوعى السحاب اوعى الغيوم اوعى الضروع اوعى الحوم
ممكون تتاوق فى النجوم عطشان بتشرب فى السموم
اوعى القلوب لامن تحوم تكتر عليك تملاك هوم
الدنيا هيه ملانا لوم حاسب خليك دايما كتوم
اوعى الدموع اوعى السحاب اوعى المطر اوعى السراب
امسك دروب اهل القباب الاوليا اهل الكتاب
من الدموع اوعى الشراب اوعى السباع اوعى الكلاب
ما تخشى لنعق الغراب احزر صحاب والبعاد منك قراب
بسم الله الرحمن الرحيم
يوم بس سلام كلمات/ قريب الله محمد حسين احمد
مرات بيشرب من مطر نازل هناك من السحاب
مرات يعاين فى السحاب يعطش ويروى من السراب
مرات يموت هو من العطش فى الموى غرقانى الكلاب
مرات يودع منبسط ما بيخشى لنعق الغراب
مرات هو يسرح فى الخيال يصبح يزور كل الصحاب
الدنيا اصلها فرندكس بترزل الزول الكلس
يوم تحبى فوق جمر الفلس يوم تبقى مبيوع بجرس
فى الدنيا بتشوف العجب اتلخبتن كل العرب
والزول خلاص ما اتكرب ا صبح يفكر فى الهرب
فى عقلو انشل انضرب بين الخلوق خش احترب
بسيف مسنن ا نضرب كيفن يفتش فى السبب
ما الزول بيضحك و متكرب يوم بس سلام يومين حرب
يوم للدنانير يغترب يوم بالدنانير ينضرب
اصبح وحيد من غير صحب و الناس هى كلها فى درب
بسم الرحمن الرحيم
ما عارفين كلمات \ قريب الله محمد حسين احمد
كيف عاد بالفراق ما بيبكى كيف عاد بالفراق ما بيحكى
يحكى قصة زول متالم عن الام فراقو ويشكى
قصة زول قريب من زولو راجى الناس متين يمشولو
راجى الناس يمشو يقولو فضل مستني حول ورى حولو
قاعد خاتي يدو فى خدو سمع اخبارو فى بيت جدو
خلاص يا ناس وقفو هدو واحسبو فى سنينا وعدو
قالو الزول هو كان فى الغربه مستف شنطو وراهو فى عربه
قعدو وحسبو قالو دى ضربه ما عارفين انا المطعون براي بحربه
زويل مهزول من غير قوه كل القول هو كان من جوه
بقيت وحيد براي فى هوة خلاص الريده صبحت خوة
اقول اتناسا او انساها واعاود لحنين زكراها
كلام معسول يمين بطراها المريوده كيف انساها
الدنيا غيرت الزويل صبح الزويل ماهو الزويل
اتغير الزول العديل اصبح تقول بس مجرى سيل
الدنيا ما بترحم صغير لا بترفع الزول العزير
عطشان هو حتى من الغدير لو يروى حتي مع الحمير
قلبو الهزيل بيهو اكتوي يا ريدتو لو كان ارتوى
من الحبيب او كان هوى غير الحبيب من غير هوى
بسم الله الرحمن الرحيم
ارحم لعيونك كلمات\ قريب الله محمد حسين احمد
ارحم لعيونك وكل لحظات هوانك
وكل اسباب جنونك وكل الزاد جنانك
ما الزول هو من دونك كيف يفقد حنانك
ارحم لظنونك يرحم بيك زمانك
زاد في الزول عزابو نسي اهلو ومقيلو
نسي لكل احبابو سمارو ومقيلو
ما قدرو الصابو او فقدو هو لدليلو
ما الزول فقد صوابو وحيد سهران في ليلو
سافر من عزابو سافر ياحليلو
في الريد والمحنه كل الناس تجاهد
كان نار وله جنه ديمه الزول هو عابد
لا فرض لا هو سنه ديمه الزول مساهد
لاسالم لا هنه دايما ليه مباعد
كتير بالريده جنو كتير علي الريده غارو
كتير في الريده غنو كتير كتبو اشعارو
اا رحمو مره حنو للسافر قطارو
واسالو مره عنو اسالو عن اخبارو
بسم الله الرحمن الرحيم
كشف لي اسرارو كلمات\ قريب الله محمد حسين احمد
كشف لي اسرارو وصارح بجنونو
كتر من اعزارو كيف ارجع واخونو
خايف من اقدارو شايل هم محونو
يعزف في اوتارو يزيد همو وشجونو
خايف من مصيرو ومن اقدار زمانو
ما يلقي البجيرو و التاه من مكانو
فجاه صبح اسيرو واه لو مره هانو
يا ريد لو يستجيرو قبل ما يفوت اوانو
يا زول اوعاك تخاطر واوعي من المصائب
دايما ليه مبادر لزول جد هو غائب
لزول ماهو قادر يفوت درب الحبائب
لا منظور لاناظر دايما ليك هو صائب
لا يوم هوه قدر لمقدار هواك
لا لضميرو عمر وحقق يوم مناك
بني بنيانو سور فجاه رحل نساك
لا لهواك جبر الزول هو قصد ازاك
كم في الريده ضاعو وكم فاتو الحدود
وكم للريده باعو وكم خلفو الوعود
وكم في الريده صاعو وكم لحقو الجدود
قليل للريده راعو قليل صانو العهود
بسم الله الرحمن الرحبم
زمن الريد كلمات\ قريب الله محمد حسين احمد
الزمن خلانا نقسي في بحور ما ليها مرسي
بقصة الريده الاليمه ماهو صبح ولاهو مسي
الزمن فرقنا ياما يقسي فينا وما بنقسي
والزمن العشنا فيه مانا عارفين كيف بنرسي
عشنا طول اليل بنحلم ما يئسنا وما بنندم
والزمن العشنا فيه من نهايتو ما بنسلم
سابنا طول الليل نساهر خلي فينا الهم مردم
ما الزمن قسم نصيبنا وللمشاعر كيف هو حكم
القدر يوم هو قدر وللظلام الفينا نور
فجا شال روحنا وحبيبنا او لفراقنا هو سطر
ما الفراق مكتوب علينا والقدر يا هو المخير
الزمن فرق دروبنا ولحبيبنا هو حير
يا حليل احلامنا ضاعت والاماني الفينا بانت
كيف نعيد الماضي تاني بالظروف اللينا ساءت
القمر لامن هو ضو والشمس لامن هي غابت
فجا اخفي النور علينا والخطاوي مني تاهت
يالله نمشي نروح نسافر ما بنرجع وما بنخاطر
نرضي باحكام قدرنا اونرضي بحكم المصائر
ما ظلمنا ومانا جرنا ما القدر اصبح هو جائر
ما الظلم مكتوب علينا مهما نبعد هو ساير
والشمس اللينا نور والهلال الدار وكمل
الشمس ماها بتنور والهلال ما هو المكمل
نحن ما بنعيش بلاها ما بنقدر وما بنحمل
والعمر لو فيه باقي ليك نهاجر وما بنرحل
بسم الله الرحمن الرحيم
الحا ل/ كلمات/ قريب الله محمد حسين احمد
منتظرين تشوفو الحال يمين الحال هو ابدا مابسر البال
مغتربين نفتش كيف نلم المال دى عيشه تفقر الفقران تضل الضال
دى عيشه تقصر الاجال نقضي عمرنا نبحث نحن في الامال
ماشين ديمه في الاوحال نبدل بجنيهنا ريال
حليلنا ويا حليل النيل حليل صبرا نهاهو العيل
حليل دربا يهد الحيل نزحف فيه لسه طويل
ما اصلو الحمل هو تقيل اريت ينقص يكون هو قليل
حليل حبا هو كان لي دليل خلاص اصبحت بيه عليل
اريت نلقاهو درب السيل هو دربا اصلوماهوعديل
بسم الله الرحمن الرحيم
يا ولده/ كلمات / قريب الله محمد حسين احمد
مليت خلاص انا بالصبر
ما بعصي ليكي انا في الامر
في الدنيا دي لو في العمر
مابعصي ليكي انا في الامر
انا من سروري انا ليكي اسر
اضر بس ليكي ما اضر
اغلط وافتش في العزر
يا والده عفوك لي بسر
حنك علي يبقالي در
حضنك هو لي حضنا كتر
يا والده فتشي لي عزر
عارف هو حالي انا ما بسر
انا خاتي ايدي علي الجمر
يا والده فتشي لي عزر
بسم الله الرحمن الرحيم
اقيفي استنني كلمات/ قريب الله محمد حسين احمد
اقيفي استني يا القمره
اوعك ما تفوتي الزول
اقيفي استني يا السمره
ما تتغري اوعك بالعرض والطول
عزابك انتي زي جمره
يا رب شده كيف بتزول
خدودك انتي زي زهره
اتنسم رحيقا واقول
اقول يا ريد اكون شجره
اسكن جنبها للحول
يا ريد بس اكون قدره
انا البحبها مقتول
يا ريد لو اقيس شعره
امتر بس اشوف الطول
يا رب بس اكون ثمره
وتصبح شجره ما بتزول
اسكن في قلب عمره
ويصبح تاني مافي حلول
نمشي برانا في خضره
نمشي برانا حتي الحول
وما تفرقنا غير عمرا
اموت في حضنها مقتول
بسم الله الرحمن الرحيم
شليل وينو كلمات / قريب الله محمد حسين احمد
شليل وينو شليل ما راح
شليل فات البلد وارتاح
حليل الراح روح شال فرحنا وراح
زاد في الحزن شال مننا الافراح
زال الفرح زاد لينا في الاتراح
راح الحبيب عمق هو فينا جراح
راح الزول خلاص ما راح
رحل الورد الكان زمان فواح
زولنا الرحل ساب القليب في جراح
خلالنا الحزن شال مننا الافراح
حليل الزول حليل زمن السمر الضاع
بارا القرش اصبح خلاص بياع
خل العظام تنهش معاهو سباع
اصلو الحبيب معروف هو زول بياع
خمسه سنين غرام تاريه كلو خداع
اصلو العمير الفات قضيتو كلو ضياع
برضك تقول انسي الحبيب اصبر
انعس نوم خلاص اوعاك لاتسهر
فك العقال فك القيود اتحرر
ما شفت حاجه الشفناه نحن اكتر
قسمت ربك اريد ترضابا والمكتوب مقدر
امسك دربك انت الليه المولي خضر
اصلو الزمن يا اخويا بينا لف دور
مره يحن علينا مرات فينا ينهر
ماسكبن نحن فيه هو اللينا ودر
بينا وبينو ياما بني بنيانو سور
ديمه يعلي فيه لا حاسب لامتر
يرجع كيف هوتاني هو الينا ودر
ا
بسم الله الرحمن الرحيم
قاسية الريد كلمات / قريب الله محمد حسين احمد
يا قاسية الريد الطفي
وتر الزويل ما تعزفي
زولك فتر فيه القليب
يا قاسيه ليه مابتنصفي
اتناسا الامو القبيل
ليه تاني راجعه ترشفي
لا قسي قلبو عليكي يوم
بكلمه منك تجرفي
قفلتي ليه كل الدروب
يا قاسيه عايزه توقفي
بتحي الاف القلوب
والبيكي مات ما بتعرفي
يا غاليه ارحمي لقليب
من ريده ما هو البكتفي
لساتو منتظر الامل
يلطف من تاني ترجعي تلطفي
بسم الله الرحمن الرحيم
اصلو العمر كلمات/قريب الله محمد حسين احمد
اصلو العمرمن بدرى فى اللوح انكتب
والدموع من بدرى فى زولو انسكب
سالن النهران على الزول البعدمنو انتدب
واتتحل جسمو الهزيل من بدرى خالص انصلب
ما خلاص اصبح هو راحل وتانى ابدا ماهو برجع
ما الزول بعد من تانى كيف يقدر هو يسمع
والعيون ملت خلاص يوماتى تدمع
منتظره القدر اللفرق تانى يحن و يجمع
يلملم شتات انفاسنا يرجعوا لينا من تانى
ترجع ايامنا الجميله تتملى كل يوم معاني
نبتدي زى اى قمرى ننسج الكلمات اغاني
نبنى عشه صغيره لينا قشه قشه بالاماني
لانفكر في صرايا ولا نفكر في مباني
ولا نفكر في المسافه الباعدت ليكى مكانى
نعيد الماضي من تاني
ولا تعاني ولااعاني
بسم الله الرحمن الرحيم
غلطانه كلمات /قريب الله محمد حسين احمد
غلطانه لو فاكره الزمن هو البيدفع للثمن
طلما الزول اتمكن غرقان هو ليه بس اتمحن
غلطانه يا بت الحضر لو فاكره زولك انتحر
زولك هو لا حس لاخبر زولك لغيرك افتكر
غلطانه لو فاكره الجمال مخصوص هو ليكي بلا مثال
يا ريت تعرفى الحب حلال ما بدنسو حب الريال
بتعزلي الجيب في الرجال ما بتعرفي سمح الخصال
مغلوله بحب هو للمال راجيه النجوم تصبح رمال
ليه واقفه انتي علي التلال بتنشني ليه بالنبال
فاتوكى اولاد الحلال و العمر ما بنتظر ابدا محال
بسم الله الرحمن الرحيم
زهرالربيع/ كلمات/ قريب الله محمد حسين احمد
زهر الربيع منك ما اظن يفوت حدك
شفاهو في ودك شقاهو في صدك
ليه سبتو براهو يقاسي لزكراهو
ينساب من سماهو ينزل من علاهو
انزفت لجروحو عزبت لروحو
للاسرار ما تبوحو ما تبكو ما تنوحو
دي الايام بتوري لعيونا بتكري
نحن بنشرع وبنسري في البحر والبر
حرمتو من ودك ضيعتو بصدك
مارحمتو بعندك تستاهل الحصللك
يا حبي وحناني وترك لي اغاني
بعدك اضناني قربك لي اغاني
ليك امشي واباعد في دربك اجاهد
ما بقدر ليك اعاند بحبي ليك اعاهد
بسم الله الرحمن الرحيم
اصلو الزمن كلمات / قريب الله محمد حسين احمد
اصلو الزمن ما فرق الاحباب خلاص
اصلو الزمن هو الفرق لزاز الناس
اصلو الزمن هو العزب القلبين
اصلو الزمن هو الفرق الاتنين
اصلو الزمن الجره دمع العين
اصلو الزمن هو القسم الدربين
اصلو الزمن قدار و خاين
اصلو الزمن ما بخلي ليمون الجناين
اصلو الزمن لاتشوفو انت و لاتعاين
اصلو الزمن لابرحم المدين ولا هو برحم الداين
اصلو الزمن هو القدر الاسباب
اصلو الزمن هو الفرق الاحباب
اصلو الزمن هو الخلا عمرنا كلو ضباب
اصلو الزمن هو الخلا الدموع تنساب
بسم الله الرحمن الرحيم
نسمة الفجر / كلمات /قريب الله محمد حسين احمد
يا نسمة الفجر الفاحت من خدك الفواح
الزارني في ليلي يا ريد يفضل للصباح
الجاني في منامي قلتلو امشي وتعال
قاليه امشي ضروري لكنو الجيه محال
كم قاسيت منك وزاد في بعدي عنك
اشجاني واضناني يا الناير خدك
متين امشي وازورو واغرق في بحورو
ايه الباعدني منو غير صدو وغرورو
اتعلمت من فاهو ما بقدر انساهو
ضيعني زكراهو ده العالي سماهو
اه لو شفت خدو واه لو شفت صدو
كم قساني عندو وكم اشقاني صدو
بسمالله الرحمن الرحيم
يا اريد اعيش كلمات /قريب الله محمد حسين احمد
يا اريد اعيش في دنيا معروفه ما بترحم
بس تبقي انت معاي ما احس في يوم بندم
دونك تكون دنياي مليانه شوك والم
روحك شعار لروحي والريده ظاهره علم
اصل الحياه من غيرحبك تكون هي عدم
حتي القليب نابض بريده من غير دم
عايش بلاكي وحيد يا ريدتو كان قسم
من الحنان الفيه يا ريدتو كان هو ظلم
اصبحت زي معتوه عايش براي احلم
كل الصوامع ديك مليا نه خير و نعم
كل البلد خضر و الساقي ما بنجم
كل القمح و الفول نوارو كيف هو رزم
والساقيه لافه الليل بصوت هو ما ابكم
بصوت حنين ما زي صوت دنكي كيف بلخم
في جزيره من غير كيف في عرضها انجم
في الطول تشوف الويل مليانه خير وبهم
ترجع قبل توصل لنهايه ما بترحم
معروفه في كل عام تلطش هي احسن كم
بدل الزغاريد كيف تملي البيوت بسجم
سجم الرماد والويل سجما يعشعش كم
ارجع و اعيد زكراي كيفن افوت لليم
تاريني دار اصحي يا ربي من الحلم
وين العرض و الطول تاريه اتهدم
وين الخضر و الخير تاريني كت بحلم
و الحلوه فاتت وين لمسكنا في اليم
صوت السواقي خلاص وقف قبيل كتم
وزرعنا كيف خضر بدنكي جد بلخم
والسابني مين هو براي نصيبك انت حكم
بسم الله الرحمن الرحيم
بترسل عيونك/ كلمات /قريب الله محمد حسين احمد
ما ممكن اقولك ايه الفي ضميرك
كيف عايش بحبك احسب في سنينك
ونحن مهما عشنا وفيك يا حبيبنا تهنا
ولو ليك مره بحنا بالجوانانحنا
ولو فاتت خطاك وما قادرين نتلاقا
غير روحنا المعاك وم لاقين سواك
نحن يعلم بنا الله حبك لينا ذله
هلالك يومو الهله ومنو ما بنتخله
بترسل عيونك علي كتر ظنونك
علي كتر جنونك وما بقدر اخونك
انت عزاب يا روحي وانت سبب جروحي
يا عيوني ماتنوحي اصبري ما تبوحي
الزول دايما معاتب يكتر في المصائب
زوبني وماهو زائب في دنيا العجائب
بسم الله الرحمن الرحيم
/ قريب الله محمد حسين احمد كلمات/زمن الجروف
الحزن في دمي جاري والدمع في العين بداري
دايره تمرق ماها قادري واصلو ما معروف مساري
والدروب المني تاهت والخطاوي ابت تجاري
ياحليل ايامنا ديك ويا حليل ضل العصارى
ويا حليل اشجارنا لما رتلت فيها القماري
والجروف لامن تخضر للعيون ديمه بتحير
والمياه لامن هي تنزل من الجروف نحن بنسير
والشرك الليله قابض كل ما امسك هي بتطير
والبيوت دايره اللياسه امشي اقعد وهي بتجير
امشي طول اليوم اصنقر قعده وحدي اومابغير
والمراكب ديمه هاجه مره غاربه ومره شارقه
ماشه مليانه بتسوسق ومره جايه وهيه فارغه
يزعل الريس يكورك يحلف اصلها ماها مارقه
والنظر ممدود يتاوق مره يسرق اومره سارقه
اصلها مابترحم صغير اصلها من تبت هي حارقه
مره تنزل من علاها وننزل الاثنين برانا
ومره انهل من هناها ومافى غيرنافى سمانا
مره ماشه الليل براها رافضه تمشي الليل معانا
مره ترجع لهداها ترجع تفتش لمكانا
اصلنا ما بنقدر بلاها وهيه ما بتقدر بلانا
بسم الله الرحمن الرحيم
محال ترجع كلمات / قريب الله محمد حسين احمد
علي بجملة الايام وبشهرا عزيزاوسنين
فتناهم اوما فقدناهم ولا عاودنا اصلو حنين
خلاص فتناه لدربا سلكنا دروب ملانا انين
والقلب الهو كان هاوي مابتعدا كالهاوين
والزول الهو كان مسجون اصبح تاني ماهو سجين
خلاص فتناه درب الريد هو دربا ما بزورو حزين
خلاص سبناك يا قاسي صبحنا كمان من القاسين
اصبح مسكنك مشغول وجواك نحن ما ساكنين
ارحل بس براك وحيد بعادك ليه ما حادين
اريد ترحل تفوتنا عديل تبعد بس تفوت العين
تكون مبسوط او ما داري محال تصبح مع الراجعين
ساعة ديك بطمبر ليك وبصدح بالعديل والزين
يا ريد بس اعيش واقع يحسبوك فيه مفقودين
والزول الشغل بالك يكون من اول الفاقدين
نمشي نعزي فيك ليه نكون من اول العازين
ونرجع تاني من اول نعيد بجني الوزين
بسم الله الرحمن الرحيم
دق الجرس كلمات / قريب الله محمد حسين احمد
فجا الجرس دق وخلاص ما الخطر ناقوسو جا
ما للحصص ما للبيوت الدق ما كانت كده
الدقه كانت للرحيل الاتكتب اليوم علينا
الدقه كانت لفراق لفراق من غير سكينا
ناس فرحانه راحله خلاص
وناس زعلانه كيف بتعيش هي من غير ناس
اوناس مبسوطه تفكر في بواقي الناس
وهي قاعده بعيد تفكر في بعاد الناس
يارب هم ماشين وين
حيمشو بعيد يارب تاني ما جايين
وله حياجو بعد الحين
وكم يا ربي هو الحين شهر واحد هو وله اتنين
هي قاعده هناك تفكر
والدموع النازله منها ديمه تمطر
تفكر مره في الماضي ومره في الحاضر تفكر
تفكر ديمه ما قادره تحضر
تعمل ايه تسوي شنو
تلم ياربي تاني منو
وانا الحيران افكر في فراق اليوم اوتاني ما بقدرانوم
مفارق القوم كيفن تانى اقدرالوم
يمين اصبحت جد مكلوم
وخالي هدوم
فضلت خلاص براي مهموم
وكل الهم علي مردوم
بنستاهل اوتستاهل كمان كلتوم
ماشي وراها طول اليوم
اساهر الليل او مافيش نوم
كمان اصبحت جد مزموم
ولكل الفريق معلوم
قاعد جنبها ومحروم
خلاص يا انت يا كلتوم
ما بصبر واكون مكتوم
نمشي نكلم الحاجه قبل ما الحاجه تمشي بعيد زي المرحوم
تقول اصبر هي منتظره القيامه تقوم
انشاءالله القيامه تقوم
واقول مظلوم وارمي عليها كل اللوم
ينزل فيها زي سيفا سنين مسموم
قاعده بعيد بتبكي شنو
شوفي الخاطي فينا منو
من جنبك خلاص مارقين
فتشي غيري شوفي امين
يبعد عنك اي لعين
يكون مسكين او مازي ويكون مسكين
بسم الله الرحمن الرحيم
ناسي الغرام كلمات / قريب الله محمد حسين احمد
انا ماني زول نساي لماضي الغرام والريد
كيفن اعيش في هناي انسي الغرام والريد
اصلو الحبيب عايش من دمى مالى وريد
تائه وحيد دايش باحلي ايام عيد
فات منو وله صبر ما دار يفوق من ريد
عايش هو في دنيا مابترحم اصلو هي صيد
سهران وحيد يحلم في ليل طويل اومديد
احساسو ما اتكتم لاساب هواهو لصيد
والروح تفارق كيف كيف بس تخت الايد
تمسك رويح زولا اب روح طويل اومديد
اصبح زويلو فكي من حولو الف مريد
والداره لافه الليل يوماتي لافه تزيد
اصبح عناد من زول اصبح عزيز وعنيد
كيفن اقاوم القيد يا ربي تمو الريد
بسم الله الرحمن الرحيم
محبوبي / كلمات / قريب الله محمد حسين احمد
محبوبي ليك سلام مقرونه بالام
قلبي البيك دام يا اب قدرا عالي سام
وانا ما نسيت ايامي انا ما نسيت احلامي
ما بتجف اقلامي في سكوتي تلقي كلامي
يا العالي قدرك انت ليه بس ليه هنت
لو ليك ما ازنت صدقني ما كنت بنت
انت سبب جروحي وانت عزاب لروحي
يا روحي ما تلوحي ما تروحي وتسوحي
والمقسوم مسطر في ايامنا تظهر
والقدر المقدر انهل منو واسكر
اعيش انا باقي عمري هادي انا ليه امري
اعيش لو ضو قمري واموت لو جاني قدري
والايام الظالمه والليالي الحامه
بظبية المسالمه انا هايم وهيه هايمه
بسم الله الرحمن الرحيم
يا سحابه كلمات / قريب الله محمد حسين احمد
رشي صبي يا سحابه الديار صبحت خرابا
رشي صبي علي الغلابه صحي لنغم الربابه
طولتي غيبتك ياسحابه و ماكي راجعه للغلابه
وينا غيمتك وين مزابه ماها زايبه هي في صحابه
انتظرنا متين تجينا تنزلي الخير والسكينا
تنزلي الخير بس علينا تغمري بحنك حنينا
وتبدا تتخضر بلدنا ويبدا يتخضر املنا
قبل ما ينفد صبرنا وقبل ما يكمل عمرنا
العيون صبحت تعاين من بعيد جوه المداين
في مطر بالي الجناين والقلوب صبحت كمائن
ربي بس يغفر يسامح لقلوب زي المسارح
يغفر هو لكل الجوارح لزويل اصبح هو جارح
لزويل فات لجروفنا عد فات لكل بحورنا
ماهو ساب لكل حروفنا شال معاها كمان قلوبنا
بقينا محتارين برانا ماالقدر شال المعانا
فجاه شال روحنا وهوانا واصلو ما راعي الامانا
والرويح تنسي وتغامر في جروف ما ليها اخر
في جروف من غير ازاهر دار تروح لروح تسافر
بسم الله الرحمن الرحيم
احترت فيك كلمات/ قريب الله محمد حسين احمد
وانا لسع سابح في بحر
والظاهر انو احد بحورك
وانا لسع مسجون في سجن
والظاهر انو احد سجونك
اصبحت رويان من دمع
مزروف هو من اعماق عيونك
وانا لسع ساكن في قلب
ممدود يتاوق في سكونك
وانا برضي ساكن بين وجن
ممدود ومغموض انا بين جفونك
واصبحت محتار انا من خدودك
من الشراب الفي عيونك
احترت فيك في اسباب غرورك
واحترت في اسباب ظنونك
بسم الله الرحمن الرحيم
سم القمر كلمات / قريب الله محمد حسين احمد
غيرني الحصل منك وزاد لي في اساي
والليل خلاص اظلم علي حدد صباحاتو بمساي
والقمر عد ورحل خلاني لانجم سماي
احسب وارجع في الحساب من تاني احسب في هواي
القي الهوي المرسوم هوفي كل النجوم
ما هو البدوم اصبح كتوم احسب براي كل النجوم
ارجع والوم ارجع والوم في قمره ضوت للخلوق ماشه وتحوم
في قمره بعثرت الحنان لافه بتوزع في سموم
اجرع براي بين البشر من سم موزع من قمر
اشرب وانهل من سماي من السراب الكان مموج زي بحر
تاريني كت بتنسمك تاريك من زهر العشر
وكتين احاسب في الرموش وانا ظني بحسب في درر
بسم الله الرحمن الرحيم
يا بلدنا كلمات/قريب الله محمد حسين احمد
يابلد يا بلدنا مانا راحلين و ما رحلنا
الا من هجرانك انت نحن ماشين لو بنوصل لاملنا
كل ما حاولنا نبعد منك انت ما قدرنا
بقينا في نص الليالي لسه ماشين ما وصلنا
ما مسافرين وما بعدنا نحن قاعدين واتفرقنا
ما العامر قارب نهايتو و السنين فاتت زمنا
يالله سيبنا برانا سافر يالله ارحل يا عمرنا
ما السنين كملت علينا جات تقصر لاجلنا
والعمر مكتوب محدد كان بعدنا او كان هربنا
ما خساره علي البلد شيبنا وشبابنا كمان هرمنا
لاالزمن ولا السنين المره بتعجل سفرنا
نحن ما بنسيب اصلنا ونحن راضين بقدرنا
بسم الله الرحمن الرحيم
ناس في دنيا كلمات / قريب الله محمد حسين احمد
الدنيا ما دنية قبيل والبحر مابزيدو سيل
والناس خلاص بارو القرش مابرضو بالشي القليل
والزول خلاص ساب البلد الزول هو ماياهو الزول
نلس زاحفه في جوه الوحل ناس ماشه في دربا عديل
ناس كل شرابا من العسل ناس ماها لاقيه شراب سبيل
ناس نايمه في ضل الضحي ناس ساهره في الليل الطويل
ناس نايمه في عز الضهر ناس حايمه ما عارفه المقيل
ناس طالعه دابا مع العصير في جو ربيع في جو عليل
اصلها حال الدنيا يوم حاضن القرش في نهار و ليل
يوم هيه تقسي عليك تجور لا تلقي هادي ولادليل
لاتلقي والي ولاسند تمرق براك زي الهبيل
لازم بتعرف يوم براك انو القرش فتان دخيل
بيفتن الناس في بعض لايلقو صاحبا لاخليل
حليلك ايامك قبيل اصبحت وحدك جد زليل
حليلو ايام القرش خلاك تفكر في الرحيل
خلاك في جمر الفلس ليه ما ادخرت لو القليل
اصبحت في بحر الفلس سابح تقول سابح في نيل
انساهو للظل الظليل يا ريد تلاقي لو ضل نخيل
ما الدنيا اصلها ملانا لوم يوم بس عليك يومين علي عبد الجليل
اصبر علي جمر الفلس اصبر براك صبرا جميل
ما الدنيا ما دنية قبيل
بسم الله الرحمن الرحيم
حليل دنيتنا كلمات / قريب الله محمد حسين احمد
حليل دنيتنا ما صبحت خلاص هي خرابا
القمر ما زي زمان هو بضوي ولا التراب هو ترابا
حتي القماري منها هجت صبحت راحلا باسرابا
والغصون ما زي زمان بتمايلن نشفن بقن ورتابا
والورود زبلن خلاص بدل الفراش صيحت هي مسكن دابا
حليل سنط الجروف ونخيلا ويا حليل اعنابا
وين اب سبحه وينا الخلوه وين تكابه
وينها الحاجه مريم وين لالوبا وين اصحابا
ما عارفين بنسال مين هناك في غابا
نادت وحده من جوه التقول هيه القدر سابا
لو ما هيه ابدا ما لقينا اجابا
بدت تطرطش جوه البيت لامن جات وفتحت بابا
انتي منو قالت لي انا الليك الزمن سابا
نسيت ست البنات الليك العمر عابا
حفيت من بدري انت عليها لامن كانت شافعه هي دابا
وين مريم وين امك ردت قالت شوف لالوبا شوف الغابه
مريم امي شالا الجابا
حليلك انت حليل مريم حليل اصحابا
فضل خش وانسي الكان
فضل خش شوف راكوبة الضيفان
واقفه براها لاعامود ولا سيقان
واقفه براها صبحت هيه مسكن جان
حليل مريم حليل الغابه ويا حليلو زمان
بسم الله الرحمن الرحيم
اشباح ظلام/ كلمات/ قريب الله محمد حسين احمد
وانا حالي اصبح حال غريق يكوس في قشه يمرق بيها من الضيق
وانا حالي اصبح حال حريق فاقد الوعي لساتو بيكوس في الطريق
ازهار هموم اتفتحت ملت الطرق اسللت اشباح ظلام
صبحت تراود في المنام
وانا دابي صاحي من المنام
نعسان وخايف تاني انوم
تظهر هي من تاني وتحوم
معروفه بتفتش لحوم
مسعوره ما بتخشي البلوم
اشباح ظلام تظهر وتختفي زي سراب
اتواري ما بين التراب
خيران ملانا هي بغراب
حظي التعيس دلاني لاتعس غراب
حاضن الاسي بجناح مولع بعزاب
مسكين هو من قبل المصاب
راجي الزويل بس ينجي من شبح الضباب
يسقي الزويل من الصبر علقم هو مخلوط بشراب
حظي السعيد اصبح بعيد مل العبيد الليله غاب
وفضل براي في ليلي من دون العباد
في ليل سجم غرقان هو في لون السواد
والناس هي جاريه زي الجياد
وانا وحدي زاحف في رماد
كيمان من النيران مولعه من زناد
سابح براي انا في بحر اصبح جماد
و العام و فات من العباد
ما اظن يعيش فد يوم حداد
بسم الله الرحمن الرحيم
نوبية البيداء/ كلملت /قريب الله محمد حسين احمد
يا انت يا عزراء يا نوبية البيداء
يا حورية البحر المعربد فى دمى
يا انت يا زيتونة كبرت ترعرعت
من سقاكى فأسألى
انى انا الساقى الذى أرواكى
فأظمأتى عروقه والفم
منى قد أعيل الصبر من التخوف
من الوجوب امامك
نادا عليك القلب بكل صوت
فتجلجلت اصواته نبض
فأحزرىفقد سقاكى من دمه
فكل الخطاوى التى قد قادت العشاق قبلك
للوجوب امامك
فقفى وانظرى للوراء وارجعى تاريخهم
وانظرى ماذا بهم فعل الكبر
فتواضى ان التواضع فى سبيل الحب
من قيم البشر
اني رأيت فؤادك المرسوم فى عينا ك
والتى هى عندى من اغلى الدرر
بغير ماتودين للناس رؤيته
يا انت يا عزراء يا نوبية البيداء
يا حورية البحر المعربد فى دمي
بسم الله الرحمن الرحيم
ما تلقي المراد / كلمات / قريب الله محمد حسين احمد
انشاءالله ما تلقي المراد
وما تلقي احبه من العباد
وانشاءالله ما تضوقي الحلو
يصبح سنينك في حداد
وانشاءالله من دنياي تسافري
وما تلقي في سفرك ده زاد
من قمت تبيتي موشحه بالعناد
يا انت بس يا ريت تسافري من البلاد
مرت سنين بتقولي لي بس اصطبر
بكتب رسايلي انا بدماي بدل الحبر
احسبي عد كم ضيعت من عمري الكبر
احسبي عد لكل الخطاوي كان بكيلو او بمتر
احسبي عد للكلمات كان بنص هي وله شعر
فتشي في كلامي معاكي لو بس يوم هو فيكي عتر
احسبي في سنين زولا وراكي فتر
سنينو الضاعت احسبي ليه بس تسعة وزيدي صفر
الشاعرقريب الله محمد حسين
الشاعرقريب الله محمد حسين
