إجمالي مرات مشاهدة الصفحة

14 فبراير، 2012

ديوان الزمن الغابر

مشاويرك /     كلمات/قريب الله محمد حسين احمد
بعيده خلاص مشاويرك  اريت مشواري يصبح مره بايدك
اقيف واستني من تاني   لو بس مره اطول جيدك
عارف الدنيا ما بترحم      ولا بتسيب ايدي تكون هي في ايدك
ومن اقدارنا ما بنسلم     وما ظنيت ابارك ليكي بي عيدك
نصيبنا لشركنا نصب     وفخ الغاب اظنو عنب
وما بنقدر نضوق طعمو حظنا منو كلو تعب
مشاويرك مسطره هيه باقدار   اوعي تقولي للزمن غدار
اعاين من بعيد  اثمار    اقرب انصقع بحجار
اكنك اسالي النجمات   في نص الليل واسمعي مره للاهات
وشوفي لو بتقدري من غير ذاد     تعيشي بلايا من غير زات
اجابتك واضحه في عينيك      قبل ما تلوحي بايديك
اجابتك جد هي واضحه شديد     واضحه هي من رجفة شفتيك
مابتكتم الجواي وماني بليد    اكون ممكون واقول يا ناس ماني بريد
واعيش في غابه من غير صيد   وكيف من غيرو ابقي وحيد
بسم الله الرحمن الرحيم
بنيتي  /     كلمات/قريب الله محمد حسين احمد
بنيتي ماذا دهاك بنيتي        بنيتي انت عذابي وراحتي
بنيتي يا ناري انت وجنتي     بنيتي احزاني انت وبهجتي
هيا اسرحي في داخلي     هيا اقرعي بيبان عشق مداخلي
هيا العبي وتلاعبي بساحلي   عشاقنا فد نالو منا ببابلي
قد نختفي في ليلة ظلماء حالكة السواد  قد نترك العشاق نترك للبلاد
قد نترك العشاق يوما في حداد   او قد يختفي بعضي من بعضك قبل المراد
قد نستكين بنيتي قبل الوداع   اونستخف ببعضنااو نستخف من المتاع
قد لا اكون حبيبتي وحدي المطاع   او قد نذل ببابل او قد نذل من اليراع
قد نفترق او قد نذل من الهوي  قد نستعيد الزكري نفرغ ما حوي
   قد نسترد من الزمان ما طوي   ويخلد التاريخ ساعات الهوي
بسم الله الرحمن الرحيم
نور القمر /     كلمات/قريب الله محمد حسين احمد
حبي الزاد علي نور القمر الطل بالتحديد
من بدري طل علي وما زال نورو في تجديد
نورو سطع خلاص في عيني اصبح نورو فيه شديد
اصبح لي سهاد في ليلي واصبح البريدو بعيد
يوم يبعد يزيد البيه ويوم يقرب يكون لي عيد
قدر ما احاول انسي الماضي ازكر عيون الصيد
ازكر عيون الصيد وازرف في دموع الريد
ما اصلو الجراح الفيني ماها بتبرا الا تزيد
برضو تقولي انسي الماضي كبف انساهو بالتحديد
ماضي الغرام والريده كيف انساهو وابقي سعيد
كيف انسي الخدود الحلوه النايرات وانسي الجيد
حتي بقيتي  ما راضيه ترسلي لي خيالك عيد
و تبخلي حتي بالكلمه تخلي الليل طويل ومديد
خيالك لما يدله ياَِِِنسني يخت القيد
يشقيني ويسعدني وفجأه القي نفسي وحيد
براي في دنيا غداره مع زولاً كتابو عنيد
بسم الله الرحمن الرحيم
غداره  /     كلمات/قريب الله محمد حسين احمد
اخير لك يا قلب تبعد خالص وتخطاهو وتسافر
وتنسي البينك وبينو اوعك لا تخاطر
اتقبل النازلات وارضي بالمصائر
اصلو الزمن فراق اصلو الزمن غدار وجائر
كل ما تقول قربت ليه تلقي الحبيب منك هو نافر
انا قلت ليك انسي الحبيب اصلو الحبيب بقي ليك ناكر
باعك يا قليبي زمان كمان باع الضمائر
روح خلاص منك بعد قرب هناك من المظاهر
فك الحبال المن زمان مربوطه بانبل مشاعر
وعاش مع زولاً خلاص بدل حبالك بالجواهر
انسي الزول خلاص اوعاك لا تساهر
زي ما قبيل هو باعك بيعو و بيهو غامر
بسم الله الرحمن الرحيم
لا أذكر /     كلمات/قريب الله محمد حسين احمد
لا اذكر عشقك كيف بدأ  قد زارني طيفك زات مساء
ما زلت ازكر ذاك اليوم  وخيالك ياتي بعد النوم
وما زال المشهد يتكرر يكر يفر و يتعزر
مرت ساعات تبعتها الايام ازدادت معها الالام
انجازاتي من غير وسام لا ارغب في ضجة اعلام
فكل انجازاتي في الاحلام احلام اليقظة واحلام منام
مرت ايام تبعتها سنين  والعشف الطاهر ما زال دفين
ينبت يزهر خلف العين فأزاهيري لا تروي من ماء ولا تغرس في طين
فأزاهيري غرست في قلبي ورويت من ماء العين
كبرت ازهاري وتفتحت من قبل الموعد قبل الحين
بسم الله الرحمن الرحيم
انسي السؤال /     كلمات/قريب الله محمد حسين احمد
ياروحي سيبى العتاب     سيبى السؤال قبل الجواب
يا روحى كفاي عزاب     في دنيا مابتسيب صحاب
انسي الكان وانسي الحصل    سيبي العناد سيبي الزعل
اصلو الحبيب لو ما سأل بيعيش هواهو من غير علل
بالريبه اوعك تعترف      ما الريبه سيل تجرف جرف
زي ساقيه بتزيدفي الغرف    من العيون بتزيد زرف
سيبي الحصل وانسي السؤال    شوفي القمر من غير هلال
اصلو القمر معروف   محال   يصبح قمر من غيرهلال
انسي الهلال وانسي القمر   ماتفتحي باب للقدر
وما تعيشي يومك في حزر    بين الرمال القي الدرر
واتحملي لزول رسب    بامتحان بيت واتخرب
واصلوالقدر مابسيب سبب     زادك هو في جمرك لهب
بسم الله الرحمن الرحيم
كل السنين /     كلمات/قريب الله محمد حسين احمد
سافر خلاص في عيون المها    سايب هو لقلب اشتهي
لا حن لماضيه يوم   واشتاق هو لحب انتهي
لروح هي لاعارفه المقيل   لا عارفه كيف تصحي وتقيل
سافر وساب ليها الزمن    دار بيها فقدت للدليل
لا قادره تنسي الماضي يوم    لا صاحيه لايوم زارا نوم
خلاها عايشه هي في زمن     بين الدموع سارحه وتحوم
قاسيه الحياة وقاسي الصبر    كل السنين من غير عزر
ضاعت وضيعت العمر     عدت نجوما هي في الضهر
يا قاسي ارحم  للدموع     كل الجناة قصدو الضروع
حسدوك في زرف  الدموع    يوماتي عايشين في شروع
وانا زنبي ايه من الحصل    تبعد تسيبني مع العلل
لاحن قلبك يوم علي    واصبح حناني عليك ملل
ياقاسي متحمل عزاب    زولا هو اصبح ليك سراب
ماسبتو عمر للخراب      خليتو للضني والعتاب
بسم الله الرحمن الرحيم
كل الناس /     كلمات/قريب الله محمد حسين احمد
كل الناس الجاريه بتحلم     لو في يوم هي تلاقي وظيفه
جاريه بتكدح كل اسبوعا     توفر حق ترحيل ورغيفه
وكم عامل سهران في ليلو   وخاليه جيوبومن التعريفه
والعمال الصبحو عطاله    والخايف من دنيا مخيفه
خايف ديمه هو من اقدارو   خايف يوم تكتر اعزارو
لايقدر يلقالو هو لقمه    يكرم بيها ضيفو وجارو
اصبح خايف من اقدارو     تعزف يوم هي علي اوتارو
كل الناس في الكون اتساوت     الا الساسه عليهم جارو
حقيقه هي لو خلق الله اتساوت  وكل انسان اصبح سيد غابه
وكل الدنيا هي صبحت خاليه   من الساسه الصبحو غلابه
وقفت فيها الساقيه الافه    وقفت سابت لألعابا
وقف فيها النازف دابو    وكل جراح تبداها اصابه
وكل خلق الله العايش يحلم    راجي يحقق حلمو الواقع
راجي الظلم الواقع فيه   يوم يتلاشي بازن الرافع
وكل الساسه ينسو الماضي   يسعو وراالصالح بدافع
الداريركع في محرابو    اودار يسجد يوم في جامع
بسم الله الرحمن الرحيم
الحب ضياع /     كلمات/قريب الله محمد حسين احمد
سافر خلاص       وانسي العزاب
وانسي الحبيب        لوفات وغاب
درب الحبيب       اصبح سراب
واصلو الحبيب       زادفي المصاب
يخطي ويصيب       ويزيد عتاب
فاكر النصيب        ضاع بالنصاب
سافر خلاص        من غير وداع
سابح وحيد        في بحر ضياع
كل السنين        صبحت ضياع
انساهو ريد       ماتظن يطاع
قبال تعيش      لحظة متاع
انسي الزويل      لويوم هو ضاع
سافر خلاص      وانسي الحصل
سافر وعيش      من غير ملل
ماالحب صبح       مليان علل
ما الحب ضياع       نكد وزعل
اصبح محال       غربه واهل
قبال تضيع      القي الحلل
سافر خلاص    وارحل بعيد
حتي البعاد     ليك مابفيد
اختار براك     صياد وصيد
ازرف دموع      واتناساريد
واحسب نجيمات    ليل مديد
في الريد قبيل   ضاع المريد
بسم الله الرحمن الرحيم
مزاد معروض /     كلمات/قريب الله محمد حسين احمد
قلب اصبح مزادمعروض   صبح واقع علي مفروض
والشاري هوبين قلبين     وقف محتار واصبح قلبي هو المرفوض
وايه يعني ابيع قلبي         وكل الناس ترمي اللوم تزيد زنبي
وايه يعني اسيب حبي       وايه يعني لو ضيعت لدربي
وما فضل طريق مفتوح       واصبح قلبي كلو جروح
اساهر ليلي ابكي وانوح      وايه يعني لو فات مني يوم الروح
اصلو الريد هو ما بنفع يكون بنيه    بداية الريد جراح وازيه
عيشة الريد عيشة غابه ابديه      ملانه وحوش وموت من غير دفع ديه
تكون مبيوع وما داري      والباعك هو متواري
ولقلبين صبح قاري     عزل حبو وبخس ليه مقداري
زويلك جد صبح غدار     نسي الريد حالف الأقدار
قبيل سابك وهجر الدار    وحيد سابك هو من غير جار
سابك بيهو تبقي عليل     وحيدسابك تساهر الليل
تحسب في نجومو زليل    ويومي يزيد عليك في الميل
بسم الله الرحمن الرحيم
ارجع تعال /     كلمات/قريب الله محمد حسين احمد
ارجع تعال جرب براك وجع الفؤاد
ارجع تعال شوف القلب الاتوجع قبل الميعاد
ارجع تعال لزول هو عايش في حداد
ارجع تعال ما تضيع الريد والمراد
ارجع تعال قبال تضيع كل السنين
ارجع تعال ارجع ورجع للحنين
ارجع تعال لزول هو اصبح جد مدين
ارجع تعال لحبك الجواك دفين
ارجع  تعال وانسي الحصل
ارجع تعال واشفيه للريد من علل
ارجع تعال اصلوالبعاد مامحتمل
ارجع تعال لريده طال بيهاالامل
ارجع تعال ياقاسي اشفي للغليل
ارجع تعال لريد صبح فاقد الدليل
ارجع تعال لزول هو اصبح بيك عليل
ارجع تعال لريد هو ما لاقيلوابدا ليك مثيل
ارجع تعال قبال يضيع منو الزمن
ارجع تعال قبال يفوت منو الاوان
ارجع تعال قبال ما يغرق في المحن
ارجع تعال قبال يضيع منو الزمان
ارجع تعال يا قاسي بين
ارجع تعال ارجع ورجع للسنين
ارجع تعال لحب هو زاداصبح متين
ارجع تعال ارجع  ورجع للحنين
بسم الله الرحمن الرحيم
ساكن الريم /     كلمات/قريب الله محمد حسين احمد
الآيا ساكن الريم الذي بالوادي       هلا سررت بموطن الآبآءوالاجداد
هل زارك السنا قبل الرباب الذي          قدتراكم فسيقت من الغوادى
ياساكن الريم الذى بالوادى  قل لى بربك      كيف حاله عمرا وكيف حال زياد
قل لي بربك كيف حال جهنم    وكيف حال ثمودا وكيف حال العاد
قل لي بربك كيف حال الويل   وكيف حال اللحد وكيف ذي الاوتاد
قل لي بربك كيف حالك انت    في حفرة من نار ام في رياض الهادي
قل لي بربك هل اضاء لك السنا   ام اطفأه الزهاب فملأالريم كله بالسواد
يا ساكن الريم الذى بالوادى     هل ترى حال قبرك والعباد
بنيت عليه ساحات الفداء    ودقت الطبول والأوتاد
جمعت به ابناء داحس والغبراء    وابناء البسوس والأمجاد
وديرت به رحى الحرب    فى ايام نحس اسوأ الآباد
فأستحل الغرب حتى لم يكن منا   من لم يساق الى الفساد
لم يتركو الأطفال حال سبيلهم    لم يرحمو العباد والأسياد
حتى النسآء سبئن من ميادين الوغى   فملئو بالنجيع بلاد
حتى الطيور الصادحات على الفنا   تركو الغناء فرت من الأسهاد
يا ساكن الريم الذى بالوادى    ما عاد ريمك فى موطن الأجداد
قد نحرو امام العالمين جميعهم    ولم يغاثو من الأعاد
فنكثت أعلامهم فى ساعة    لم يرو تنكيثه الأسياد والعباد
فجعو جميعهم حتى الذى    ليس له فى الشهادة والجهاد
لم يبقو من احد لينصرهم    والعرب فى سباق تنحر لميعاد
لم يبقو لدجلة ولم يبقو الفرات   ودقت لنهر النيل اجراس المزاد
لن ترضى عنا اليهود ولا النصارى   حتى نمل ونترك الأمجاد
لا تتركو الغرب بحال سبيلهم     كي يستنير ظلامهم بالوادى
فالمكر شيمتهم والدهاء سبيلهم  فلا تأمنو مكرامن الأوغاد
بسم الله الرحمن الرحيم
يا مغرور  /     كلمات/قريب الله محمد حسين احمد
انا قلبى يا مغرور    ما برضى لو هو ظلم
خائف من المستور    من قدرو يتحكم
اصبح هو مغرم حور   ما دونا هو عدم
ضوت ظلامو النور    من تانى صبحت غم
يا قاسى ازكر      لزول هو ما بهتم
بغير هوى الأسمر    يصبح هو من غير دم
لا قادر هو يصبر    ويعيش هواهو الم
لاقادر هو يتحرر    او يصحى من الحلم
خايف من الأيام     الا القدر حكام
خايف  من الاقدار     تحكم  هي بالاعدام
وتزيح هى كل ستار    تفضح هى للأحلام
وتزيح غشاء الأبصار    يبقى الفراق الزام
والناس تعاتب زول    ما بعرف اصلو عتاب
لا بعرف الأيام    لابعرف الأحباب
لو عاش قدر وعزاب    او ضاع فى يوم او غاب
زوب سنينو وزاب    فى زول عنيد مرتاب
انا قلبى يا مغرور    يخطي وفيني يثور
دايما يحب في الحور    قبال مايظهر سور
يشهد ظلامو النور    من تاني تصبح زور
قبال يمر بشهور    يرجع يلف ويدور
انا قلبي يامغرور    ما اظنو يتعلم
لو يوم هو جاف الريد     او فيه اتكتم
ترجع هي فيه تزيد    من تاني تتحكم
دايما هو في تجديد     من حبو ما بسلم
بسم الله الرحمن الرحيم
ديمه بتوعد /     كلمات/قريب الله محمد حسين احمد
ديمه بتوعد وتخلف وعدك
مابتلمو دربي ودربك
ياما وعدت واتاخرت
وكم لفيت علي كم درت
بقولا حقيقه عليك ندمت
وفيك درست واتعلمت
وياما عليك  ياما صبرنا
كمل الليل وفيك كم تهنا
ياما بحثنا عليك كم همنا
وفي احساسك ياما غمرنا
وكل زكراك صبحت فينا
وسايقه معاها لخطاوينا
مين شال بالك يا ناسينا
وسابنا برانا في وادينا
لافد كلمه لينا تطمن
تآنس روحنا وليها تسكن
وجد اصبحت ليك انا هين
وردك لي هو ماهو مطمن
ديمه بتخلف وترجع توعد
ترجع تخلف مننا تبعد
وديمه الحب الفيك متردد
ويومي الريد الفيك متجدد
بسم الله الرحمن الرحيم
ابا اسحاق /     كلمات/قريب الله محمد حسين احمد
ابا اسحاق قل لي هل عشقت   وهل ابرمت عقدا في رباك
وهل اغرمت يوما بالحسان     فضمت كل اصابعها يداك
وهل ابرمت يوما للعقود     وانجزت عقودك في مداك
وهل اجبرت يوما في العهود   ودنوت قهرا من علاك
ابا اسحاق قل لي كيف كانت    وهل كانت تحيكك ما تحاك
وهل زرفت عيونك للدموع    ام كانت دموعك من دماك
وهل سقيت دموعك كل فاه   ام افترض الحرام علي سواك
وهل جن عليك الليل حتي    سئمت من الظلام ومن دجاك
وهل سطعت نجومك في نهار   وافل القمر خوفا من مساك
فدار الكون كله في ظلام    وافرغ للظلام علي سماك
ابا اسحاق هل كانت تداعب   لتسمع كل راغبة صداك
وهل كانت تعاقب للقلوب    ليشفي غليلها ابحر صباك
قل لي بربك ماذا قالت      وهل كانت تقودك للهلاك
وهل اشفيت غلك من دماها    ام اشفيت غليلها من دماك
ام اظهرت الحرام حتي ماجت    وجن جنونها بسهام فاك
ام انتعلت نعالك عند لمس    فاوردها محاسنها الهلاك
ابا اسحاق قلها لكل انس   بان ابا مرة من غواك
وكيف لغيره ان يغوي انسا     ومن هو غيره يغري العراك
هو من يحلل للحرام     وياتي وقد تشبه بالملاك
ابا اسحاق هل خارت قواك    ام اوردك وروده للهلاك
بسم الله الرحمن الرحيم
بحار الهوى /     كلمات/قريب الله محمد حسين احمد
الآيا معشر العشاق هلا عرفتم   حديثا اتى من عاشق متوهم
ازيب هواهو في محيطات الهوى  فسآءته احواله من شدة الغم
فسار بعد ان سار ركبه   وخلفه يركض سراب من احبهم
فلا الليل كان كما كان ليله  ولا نهار اتى من شدة الظلم
كانه غارق ببحر من هوى   حديثا قد وجد من العدم
فرحل بعد ان فاض بحر من   هواهو فأغرق غيره النعم
فما نال منه غير الذى من قبله  قدناله غيره والغيريعتزم
فما بحرها الا بحار من الهوى  وما هو الاواحد قدزيدفى الكم
وها قد دنى اجل الغير من حيث لا يدرى  ان كان حرقا فلا يرجى له السلم
فقل من يشفي من الحرق   وكذا غريق هوى لا ينجو من اليم
من مات بالنار اومات فى بحر   او فى نضال بارض عدواوجيش يحتدم
فلا فرق فى الموت فعند التقاة   الموت واحد وكذا اولو العلم
ان كان موته من شدة الهوى  فطعن الهوى اسوأمن السهم
فكل عاشق قد يبدى لعاشقه  بعشق هواهوفيخفى خلفه السم
فمنهم من يصاب بمقتل    ومنهم من يفنى من شدة السقم
ومنهم من يصاب هواه    فيوارى بصره اويصم فيكتتم
بسم الله الرحمن الرحيم الدوله
الدنيا هى ماها البتسامح    لزولا ماهو المتسامح
لزول ما لاقى هو لحقو    ما عارف كيف يشرى يرابح
الفاسد اصبح هو الرابح    والصالح ابداماهو الرابح
للترقيه دايما متسارع    والصالح ما زولا بارع
لخلق الله ديمه يدافع    اصبح فى كشف الصالح واقع
مسكين اصبح لنفسو يدافع    مسكين اصبح فى بيتو هو جائع
والفاسد اصبح كيف طامع    لثروهوسلطه صبح جامع
والدنيا هى صبحت عاجه فساد   والناس سجمانه ملانا رماد
وراث الدوله من القواد   وين راحو وسابو للعباد
والزول اصبح مبيوع فى مزاد  من الوراث من الاسيادس
مغادره لزول هو من غير زاد  طلع مسكين هو لافى بلاد
ياريسنا وينك وين  لاك شايف   ولاك بتضارى انت العين
احكم بالشرع والدين   اجتس شجرة الفاسدين
والناس صبحو ما لاقين   لاماقلين ولاشاربين
لفد لقمه يجرو سنين   مايلقو التبل الريق وتملى العين
غلاء معيشه ثمن رغيف    ياريسنا ما بتكفى المصاريف
والزول الهو ساب الريف    عام ورى عام جارى ورى وعود توظيف
مسكين هو بضهرو الخفيف   اصبح هو ماشى زى الكفيف
لازول نضم لا زول حريف   لازول سقايا ولا هو بنفع في الخريف
الساسه الهم رافعين الراس   والتحت الساسه من الجلاس
حكام الشعب المابنداس   صبحو الحكام على كل الناس
حكموها وكم داروها الكاس   والجائع هو البعلن افلاس
والما لاقينلو اصلو مقاس  من القانون يلقولو مقاس
والدنيا هى صبحت زى غابه   مليانه وحوش بينا غلابه
والناس الفاقده لاسبابه   ما في ارحمي يمه او يا يابا
القوه مكشره انيابا   وكل مسكين بر الغابه
لا ماكل لا لاقى شرابا يزرع يحصد يدى الغابه
وراث الدوله /     كلمات/قريب الله محمد حسين احمد
الدنيا هى ماها البتسامح    لزولا ماهو المتسامح
لزول ما لاقى هو لحقو    ما عارف كيف يشرى يرابح
الفاسد اصبح هو الرابح    والصالح ابداما رابح
للترقيه دايما متسارع    والصالح ما زولا بارع
لخلق الله ديمه يدافع    اصبح فى كشف الصالح واقع
مسكين اصبح لنفسو يدافع    مسكين اصبح فى بيتو هو جائع
والفاسد اصبح كيف طامع    لثروهوسلطه صبح جامع
والدنيا هى صبحت عاجه فساد   والناس سجمانه ملانا رماد
وراث الدوله من القواد   وين راحو وسابو للعباد
والزول اصبح مبيوع فى مزاد  من الوراث من الاسياد
مغادره لزول هو من غير زاد  طلع مسكين هو لافى بلاد
ياريسنا وينك وين  لاك شايف   ولاك بتضارى انت العين
احكم بالشرع والدين   اجتس شجرة الفاسدين
والناس صبحو ما لاقين   لاماكلين ولاشاربين
لفد لقمه يجرو سنين   مايلقو التبل الريق وتملى العين
غلاء معيشه ثمن رغيف    ياريسنا ما بتكفى المصاريف
والزول الهو ساب الريف    عام ورى عام جارى ورى وعود توظيف
مسكين هو بضهرو الخفيف   اصبح هو ماشى زى الكفيف
لازول نضم لا زول حريف   لازول سقايا ولا هو بنفع في الخريف
الساسه الهم رافعين الراس   والتحت الساسه من الجلاس
حكام الشعب المابنداس   صبحو الحكام على كل الناس
حكموها وكم داروها الكاس   والجائع هو البعلن افلاس
والما لاقينلو اصلو مقاس  من القانون يلقولو مقاس
والدنيا هى صبحت زى غابه   مليانه وحوش بينا غلابه
والناس الفاقده لاسبابه   ما في ارحمي يمه او يا يابا
القوه مكشره انيابا   وكل مسكين بر الغابه
لا ماكل لا لاقى شرابا يزرع يحصد يدى الغابه
بسم الله الرحمن الرحيم
الزمن الغابر /     كلمات/قريب الله محمد حسين احمد
الايام الجايه تغادر     ما الايام ما زي يوم باكر
والاحزان الماده لايدا      ماده الايد لقدرا غادر
والمسكين الراجي ايامو     يتاوق بين احزانو وصابر
والأفراح الديمه هي راحله     لو تتستر ترجي الساتر
والمجبور الاصبح يومو     اطول من ماضيه الحاضر
لا متسكع لامتصايع        لا بتحمل انو يخاطر
لا مسموحلو انو يعاتب     او بحال في يوم هو يجاهر
افضل يصبح زولا عابد     يكدح طول الليل ويثابر
ينسي افراحو وينسي اتراحو     ينسي افراح الزمن الغابر
ينسي الهم العشعش فيه    سابو وحيد في الزمن الجاير
ينسي الدنيا العايش فيها      وينسي السعر الزايد وطاير
لا بحلالا يصبح  عايش      لا بحراما يصبح غاير
ينسي فساد الزمن الاغبر     يفوت بزمنو بعيد للاخر
فجأه يلاقي الزمن الودع     راجع ورافض يمسك خاطر
بسم الله الرحمن الرحيم
ثمن مدفوع /     كلمات/قريب الله محمد حسين احمد
ابراهيم الليله مودع     للداخلين كان زولا مفزع
قائد ركبو وصل متسرع     ما الزول جد بالدين مدرع      
زول فنان سطر بريشو     نور ركبو انو يحيشو
من الداخلين في نهار وينيشو    يموتو لو خلق الله يعيشو
يموت بس عيشة شعبو الديه   ثمن مدفوع بجراح وازيه
شهيدنا معاهو فوق للميه   نحن كفتنا منها كيه
اصلها الطيبه الظاهره هي فيه  والبسمه زي نسمه من فيه
خمسه وثلاثين هي بتشهد ليه   ود التاج بالجد راجيه
زولاجد زولا هو معلم    ود التاج حاسم متفهم
زول خطاب زولا متكلم   في قول الحق ماهو البستسلم
راعي في خلق الله كتابو   اكيد جاهز في يوم للصابو
كم طالب شايل آدابو   وكل خريج من كرري حبابو
الراجعين في ليل او غابو    كل واحد كان ليهواسبابو
الصادين اليوم ما زابو   هللو كبرو حفظو القابو
لامظلوم لازولاظالم   في احوال الدين زول عالم
كل مناهو انو يسالم   بس في الحق كان لهبا ضارم
ابراهيم ودع في ليلو   وكل ملاك للرحمه دليلو
في الفردوس يشرب من نيلو  ونار الويل راجي لخليلو
نحن عزانا في استشهادو    في اصحابو الكرام الرادو
رفع الرايه خلف القادو    بدرعو الحصين وجهادو
بسم الله الرحمن الرحيم
وقف خلاص  /     كلمات/قريب الله محمد حسين احمد
وقف خلاص اوعاك تمش     اوعاك تمش لزويل ما بتهبش
وقف خلاص وقف الشمس    يا قلب اوعك للحياء تخدش خدش
يا قلبي مالك انت عايش في وهن 
  شوف الضمير العاش لغيرك في سكن
زي ما اتمكنت بيه ليه ما اتمكن 
 ليه بس عيونو زي عيونك ما بكن
ليه الدموع نشفت خلاص هي من العيون
   اصبرت وله عاشت في سكون
وله فاضت وانتهت وله زادت في الشجون
  ليه بس هي كملت ولسع زايده هي في الظنون
انسي الدريب وقف خلاص انسي الحبيب
رش الجمر وقف خلاص نفخ اللهيب
ما العمر روح وسابك وانت زايد في النحيب
والشمس سايباك جاريه علي المغيب
وانت واقف ليه تعاين في انتظار
الشمس لامن هي تشرق في النهار
تجلب في النصيب والقسمه تجلب ليك في الاقدار
اقيف يا زول واقطف زهره  من ازهار
الشاعرقريب الله محمد حسين